CNBC

«CNBC» (tələffüzü: si-en-bi-si) — kabel və peyk vasitəsilə yayımlanan ABŞ biznes xəbərləri telekanalı. Telekanal «Comcast» şirkətinin sahibi olduğu «NBCUniversal» şirkətinin bir mülküdür və baş qərargahı ABŞ-nin Nyu-Cersi ştatındakı Enqlvud Klifs borosunda yerləşir.^[1] Telekanal əsasən ABŞ və beynəlxalq iqtisadiyyatlarını əhatə edirdi, ancaq artıq daha çox biznes-mövzulu sənədli filmlər və realiti şoular yayımlayır.

«CNBC»
Telekanalın rəsmi loqosu
Ölkə	ABŞ
Yayım ərazisi	ABŞ Kanada
Dil	İngilis dili
Baş qərargah	Enqlvud Klifs, Nyu-Cersi, ABŞ
Yaranma tarixi	17 aprel 1989 (1989-04-17)
Sahibi	NBCUniversal Broadcast, Cable, Sports and News (NBCUniversal) (ikisinin də ümumi sahibi – «Comcast»)
Keçmiş adları	«Consumer News and Business Channel» (1989–1991)
Şüar	Ümumdünya biznesdə birinci. Bunu kapitallaşdırın. (ing. First in business worldwide. Capitalize on it.; biznes verilişi) Özünüzkini götürün (ing. Get yours; əsas veriliş)
Qardaş kanallar	«CNBC World» «MSNBC» «NBC» «NBCSN» «Golf Channel» «E!» «Euronews» «Sky News» «Sky TG24»
Sayt	cnbc.com
Vikianbarda əlaqəli mediafayllar

Telekanal 17 aprel 1989-cu ildə «NBC» ilə «Cablevision» şirkətlərinin birgə müəssisəsi olaraq «Consumer News and Business Channel» adı altında təsis edilmişdir.^[2] 1991-ci ildə telekanal əsas rəqibini — «Financial News Network» şirkətini satın almış, öz distribusiyasını və işçi gücünü artırmışdır. Daha sonra «Cablevision» telekanalda sahibi olduğu səhmləri «NBC» şirkətinə satmışdır. 2015-ci ilin fevral ayında telekanalın 93.623.000 abunəçisi (ABŞ-dəki ümumi televiziya sahiblərinin 80.4%-i) var idi.^[3] Dəyəri 4.000.000.000 ABŞ dolları olan telekanal 2007-ci ildə ABŞ-dəki ən dəyərli 19-cu kabel ilə yayımlanan telekanal olmuşdur.^[4]

Əsas telekanal ABŞ-də yayımlansa da, «CNBC» telekanalının müxtəlif regionlara və ölkələrə xidmət göstərən lokal variantları da fəaliyyət göstərir. Bu variantların çoxunun sahibi və ya səhmlərinin sahiblərinsən biri – «NBCUniversal».^[5][6]

Həmçinin bax

• Bloomberg Television
• Fox Business Network