Makrin

Makrin (lat. Marcus Opellius Macrinus; 164^[1][2] və ya 165^[3][4][…], Şərşal – 218^[1][2][…], Kappadokiya, Mərkəzi Anadolu regionu) — Sever sülaləsinə mənsub^[5] Roma imperatoru.

Makrin
lat. Marcus Opellius Macrinus
Roma imperatoru
11 aprel 217 – 8 iyun 218
Əvvəlki	Karakalla
Sonrakı	Helioqabal
Şəxsi məlumatlar
Doğum tarixi	164(0164)[1][2] və ya 165(0165)[3][4][…]
Doğum yeri	Şərşal
Vəfat tarixi	218(0218)[1][2][…] (52–54 yaşında)
Vəfat yeri	Kappadokiya, Mərkəzi Anadolu regionu, Türkiyə
Fəaliyyəti	siyasətçi, vəkil
Uşağı	Diadumenian
Ailəsi	Sever sülaləsi
Dini	Qədim Romada din
Vikianbarda əlaqəli mediafayllar

Bioqrafiyası

O, Afrika mənşəli Roma imperatorlardından biridir.^[6] O, 165-ci ildə indiki Əlcəzair ərazisində dünyaya gəlib. İmperator Karakallanın ölümündən sonra özünü imperator elan etdi. İnsanların çoxu əsəbi və rəhmsiz Karakallanın ölümünə sevindiklərindən Makrinin özünü imperator elan etməsinə qarşı çıxmadılar. Makrin sələfindən fərqli olaraq özünü mərhəmətli imperator kimi göstərməyə çalışmış, hərbçilərə verilən cəzaları yüngülləşdirmişdi. Hakimiyyətə yenidən yiyələnmək istəyən Karakallanın qohumları Vari Avit Bassianı (Helioqabal) onun qeyri-qanuni oğlu olduğu söz-söhbətini yaymağa başladılar. Karakallaya sadiqliyi ilə seçilən legionerlər bu söz-söhbətlərə reaksiya verərək Helioqabalı imperator elan etdilər.^[6] Bundan sonra Makrin üçün vəziyyət olduqca pisləşdi. O, günbəgün dəstək itirməyə başladı və nəhayət düşmənləri ilə indiki Antakya ərazisində üzləşmə qərarına gəldi. 218-ci ildə baş verən döyüşdə Makrin məğlub olaraq döyüş meydanından qaçdı. Lakin bir müddət sonra düşmənləri tərəfindən yaxalanaraq öldürüldü.^[7]

Populyar mədəniyyətdə

Onu "Qladitor 2" filmində Denzel Vaşinqton canlandırmışdır.^[7]