Ганза

Ганза берләшмәһе, Га́нза (нем. Hanse, бор. үр. нем. Hansa, һүҙмә һүҙ әйткәндә «төркөм», «берләшмә», лат. Hansa Teutonica) — XIV—XVI быуаттарҙа сауҙа ҡалаларын берләштергән союз. Берләшмә Балтик һәм Төньяҡ диңгеҙҙәрендәге бөтә сауҙаны ҡулында тотҡан һәм башҡа төбәктәрҙә уның монополиялары булған. Берләшмә 1241 йылда Любек менән Гамбург ҡалалары килешеүе һөҙөмтәһендә барлыҡҡа килә^[1].

Яҡынса 1400 йылда Ганза берләшмәһе

Ганза — XIII—XVII быуаттарҙа булған иң оҙайлы халыҡ-ара сауҙа-иҡтисади берләшмә. Ирекле немец ҡалалары һәм Төньяҡ Европаның башҡа ҡалаларының берләшмәһе XIII—XVII быуаттарҙа сауҙагәрҙәргә булышлыҡ күрһәтеү өсөн хеҙмәт итә.

Ағзалары

Башлыса Балтик һәм Төньяҡ диңгеҙҙәре бассейндарында урынлашҡан 200-ҙән ашыу эре һәм бәләкәй ҡалалар Ганза берләшмәһенең ағзалары булып торғандар. Дөйөм ҡағиҙәләр һәм ҡанундар төҙөү өсөн ҡала вәкилдәре даими рәүештә Любекта съездарға йыйылғандар.

Ганзаға инмәгән ҡалаларҙа берләшмәнең вәкиллектәре һәм филиалдары булған, улар араһында Брюгге, Берген, Новгород һәм Лондон иң ҙурҙары булып торған.

Ганза берләшмәһенең төп сауҙа юлдары.

• Айнбек
• Берлин (1451 йылға тиклем)
• Бранденбург
• Бремен
• Бреслау (Вроцлав)
• Венден (Цесис)
• Виндау (Вентспилс)
• Висмар
• Вольмар (Валмиера)
• Гамбург
• Голдинген (Кулдига)
• Грайфсвальд
• Данциг (Гданьск)
• Дерпт (Тарту)
• Дортмунд
• Зост
• Каммин (Камень-Поморский)
• Кёзлин (Кошалин)
• Кёльн
• Кёнигсберг (Калининград)
• Киль
• Кокенгаузен (Кокнесе)
• Кольберг (Колобжег)
• Кракау (Краков)
• Кульм (Хелмно)
• Лемзаль (Лимбажи)
• Любек
• Люнебург
• Магдебург
• Мемель (Клайпеда)
• Мюнстер
• Пренцлау
• Ревель (Таллин)
• Рига
• Росток
• Рууп (Страупе)
• Торн (Торунь)
• Хамм
• Штаде
• Штеттин (Щецин)
• Штральзунд