Аллаярова Нажиә Һибәт ҡыҙы

Аллаярова Нажиә Һибәт ҡыҙы (15 июль 1936 йыл) — йырсы, Башҡорт АССР-ының халыҡ (1977), РСФСР-ҙың атҡаҙанған (1982) артисы. Бөтә Рәсәй эстрада артистары конкурсы дипломанты (Мәскәү, 1960). Салауат Юлаев ордены кавалеры (2017)^[1].

Википедияла Аллаярова фамилиялы башҡа кешеләр тураһында мәҡәләләр бар.

Нажиә Аллаярова
Тыуған ваҡыты:	15 июль 1936({{padleft:1936|4|0}}-{{padleft:7|2|0}}-{{padleft:15|2|0}}) (89 йәш)
Тыуған урыны:	Яңы Байрамғол ауылы, Учалы районы, Башҡорт АССР-ы
Һөнәре:	Йырсы
Гражданлығы:	СССР →  Рәсәй Федерацияһы
Театр:	Башҡорт дәүләт опера һәм балет театры
Наградалары:	Башҡорт АССР-ының халыҡ артисы

Биографияһы

Нажиә Һибәт ҡыҙы Аллаярова Башҡорт АССР-ының Учалы районының Яңы Байрамғол ауылында 1936 йылдың 15 июлендә тыуған.

Мәктәптә уҡып йөрөгән сағында уҡ уға Мәскәүҙә Башҡортостан мәҙәниәте һәм сәнғәте декадаһында ҡатнашыу бәхете лә тейә.

Өфө сәнғәт училищеһында һәләтле ҡыҙ Мортазина Миләүшә Ғәли ҡыҙы класына эләгә. Уҡытыу дәүерендә бик күп йондоҙҙар ҡабыҙасаҡ педагогтың тәүге уҡыусыларының береһе була ул. Нажиә Аллаярова училищены, артабан Мәскәүҙең Гнесиндар исемендәге музыка-педагогия институтын тамамлап, сирек быуат Башҡорт дәүләт опера һәм балет театрында эшләй.

Сыңғырлап торған саф тауышлы артист классик операларҙы ла, башҡорт халыҡ йырҙарын да, композиторҙар әҫәрҙәрен дә берҙәй оҫта башҡарыуы менән билдәле. Тормош юлдашы — композитор Абрар Ғабдрахманов ижад иткән йырҙар һәм романстар уның репертуарының ҙур өлөшөн тәшкил итә.

Маҡтаулы исемдәре һәм башҡа бүләктәре

• Салауат Юлаев ордены (2017)^[1]
• РСФСР-ҙың атҡаҙанған артисы (1982)
• Башҡорт АССР-ының халыҡ артисы (1977)