Юнай

Юнай (рус. Юнаево) — Башҡортостандың Ейәнсура районындағы ауыл. Юнай ауылы Үтәғол ауыл Советына ҡарай^[2]. Почта индексы — 453394, ОКАТО коды — 80226840005.

Ауыл
Юнай рус. Юнаево
Ил	РәсәйРәсәй
Федерация субъекты	Башкортостан
Муниципаль район	Ейәнсура
Ауыл Советы	Үтәғол
Координаталар	51°43′51″ с. ш. 57°04′12″ в. д.HGЯO
Халҡы	↘183[1] кеше (2010)
Милли состав	башҡорттар
Сәғәт бүлкәте	UTC+6
Почта индексы	453394
Һанлы танытмалар
Автомобиль коды	02, 102
ОКАТО коды	80 226 840 005
ОКТМО коды	80 626 440 116
Картаны күрһәтергә/йәшерергә Юнай

Тарихы

Үҫәргән башҡорто Нәҙерғәле Хәсән улы Аҡъюловтың яҙыуына ҡарағанда, Үҫәргәндең ике улы Болоҡ менән Таймаҫ урыҫ батшаһы Иван III (1425—1505) хакимлыҡ иткән осорҙа йәшәгән. Таймаҫтың ете улы булған: Шишәй, Бишәй, Аҫҡаҡ, Ҡунаҡ, Абаҙа, Сураш һәм Ҡыҙрас. Шишәй менән Бишәй хәҙерге Хәйбулла районы ауылдарын нигеҙләй. Аҫҡаҡтың улдары Бикбау, Үтәғол, Ҡыуат, Буранғол (Ырымбур өлкәһендә) ауылдарына нигеҙ һала. Ҡунаҡтың улдары Тирәкле, Сиреғол ауылдарында йәшәй. Абаҙа улдары Ҡаҙанболаҡ, Аҡбулат, Ергәйеш, Һунарсы, Сәңкем ауылдарында төпләнгән. Сураштың нәҫеле Абҙан, Юлдаш, дүрт Муйнаҡ ауылына, ә Сураштың Ейәнсура тигән улы Яңыбай, Юнай, Юлдыбай, Әлебай, Ғәббәс ауылдарына нигеҙ һалған. Ҡыҙрас улдары Аҫҡар, Таҙлар, Аҡҡондоҙ, Үрген, Ҡужанаҡ, Кинйәбулат ауылдарына төйәкләнгән^[3] Ауыл 1765 йылдан алып билдәле. Тәүге төпләнеүсенең исеме менән аталған, уның улы Шоңҡар Юнаев билдәле. 1795 йылда 5 йортта 36 кеше йәшәгән, 1866 йылда 46 йортта — 286 кеше. Малсылыҡ, игенселек менән шөғөлләнгәндәр. 1900 йылда мәсет, һыу тирмәне теркәлгән^[4][5].

Юнай ауылында фельдшер‑акушерлыҡ пункты, клуб бар^[6].

Халыҡ һаны

1900 йылда — 260 кеше, 1920 йылда 416 кеше иҫәпләнгән.^[6]. 2009 йылда 232 кеше тәшкил иткән^[3]

Йыл Халыҡ һаны 1939 332 [7] 1959 321 [8] Йыл Халыҡ һаны 1970 372 [8] 1979 301 [9] Йыл Халыҡ һаны 1989 216 [9] 2002 235 [10] Йыл Халыҡ һаны 2009 232 [11] 2010 183 [10]

Милли составы

2002 йылғы халыҡ иҫәбен алыу мәғлүмәтенә ярашлы, күпселек милләт — башҡорттар (98 %)^[12].

Ревизия материалдарында

1816 йылда^[13] Юнай ауылында ла рәүиз (ревизия) үткәрелә һәм уның материалдары Башҡортостандың Милли архивында һаҡлана.

Географик урыны

Юнай ауылы Ҡаҫмарт йылғаһы буйында урынлашҡан^[6].

• Район үҙәгенә тиклем (Иҫәнғол): 81 км
• Яҡындағы тимер юл станцияһы (Ҡыуандыҡ): 46 км^[14]

Урамдары

• Ҡаҫмарт урамы (рус. улица Касмарка)
• Үҙәк урам (рус. Центральная улица)^[15]

Тирә-яҡ мөхит

Ер-һыу атамалары

• Аҙимгән йылғаһы
• Ярсуйын тауы
• Соңғортау<ref>Башҡортостан Рсепубликаһының топонимдар һүҙлеге</ref>

Һылтанмалар

• Юнай // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Ревизия материалдары(недоступная ссылка)
• Административно-территориальное устройство Республики Башкортостан: Справочник. — Уфа: ГУП РБ Издательство «Белая Река», 2007. — 416 с.— ISBN 978-5-87691-038-7. (рус.)
• Асфандияров А. З. История сел и деревень Башкортостана и сопредельных территорий. Уфа: Китап, 2009. — 744 с. ISBN 978-5-295-04683-4 (рус.)