Рәсәй Федераль именлек хеҙмәтенең Санкт-Петербург институты

Рәсәй Федераль именлек хеҙмәтенең Санкт-Петербург институты — 1937 йылдың 26 сентябрендә нигеҙләнгән, Федераль именлек хеҙмәте өсөн офицер кадрҙарын әҙерләү һәм уларҙың белемен камиллаштырыу менән шөғөлләнгән юғары-хәрби уҡыу йорто.

Рәсәй Федераль именлек хеҙмәтенең Санкт-Петербург институты
Нигеҙләү датаһы	26 сентябрь 1937
Дәүләт	Рәсәй
Административ-территориаль берәмек	Санкт-Петербург

Төп тарихы

1937 йылдың 26 сентябрендә СССР Халыҡ Комиссарҙары Советы ҡарары һәм СССР НКВД-һы бойороғо менән Ленинград ҡалаһында Дәүләт именлеге баш идаралығы системаһында дәүләт именлеген органдары өсөн оператив хеҙмәткәрҙәр әҙерләү буйынса СССР НКВД-һының Дәүләт именлеге баш идаралығында (ГУГБ) Ленинград махсус мәктәбе ойошторола. 1942 йылдан алып Бөйөк Ватан һуғышы һәм Ленинград блокадаһы осоронда мәктәптең төп уҡытыусылар составы СССР НКВД-һы ГУГБ-ның махсус подразделениелары өсөн кадрҙарҙы һәм Ленинград фронтындағы «Смерш» контрразведка баш идаралығы хәрби контрразведканың оператив хеҙмәткәрҙәрен өйрәтеүгә иғтибар йүнәлтә^[1].

1946 йылдан Ленинград махсус мәктәбендә, 1946 йылдан — Дәүләт именлеге министрлығында дәүләт именлегенең территориаль органдары хеҙмәткәрҙәре уҡый. 1952 йылда СССР Дәүләт именлеге министрлығы бойороғо буйынса Ленинград махсус мәктәбе Дәүләт именлеге министрлығының 401-се мәктәбе тип алата, 1953 йылдан — СССР Эске эштәр министрлығы, 1954 йылдан — СССР Министрҙар советы ҡарамағындағы КГБ тип атала^[1].

СССР Министрҙар советының 1984 йылдың 9 июлендәге ҡарары һәм СССР КГБ-һының бойороғо менән 401-се мәктәп базаһында СССР КГБ-һының Ленниград юғары мәктәбе асыла. 1992 йылдан — Именлек министрлығына ҡарай, 1993 йылдан — Федераль контрразведка хеҙмәтенә. Курстар тышҡы күҙәтеү өлкәһендә квалификациялы оператив кадрҙар ҙәерләү һәм уларҙың белемен камиллаштырыу менән шөғөлләнә, уҡыу ваҡыты бер йыл бул^[2][1].

1995 йылдың 20 февралендә Рәсәй Федерацияһы Хөкүмәте ҡарары менән РФ Федераль контрразведка хеҙмәтенең юғары курстары Рәсәй Федераль именлек хеҙмәте хеҙмәткәрҙәренең Санкт-Петербург квалификацияны күтәреү һәм кадрҙар әҙерләү институты тип үҙгәртелә^[3]. 2007 йылдың 11 сентябрендә Рәсәй Федерацияһы Хөкүмәте ҡарары институт Рәсәй Федераль именлек хеҙмәтенең Санкт-Петербург институты тип үҙәгәртелә һәм юғары хәрби белем биреү йорто булып китә^[1].

Етәкселәре

• 1954—1964 — полковник А. Г. Товстуха
• 1964—1970 — генерал-майор П. П. Волков
• 1972—1985 — генерал-майор А. К. Зайцев
• 1985—1987 — генерал-майор А. И. Комаров^[2]
• 1995—2018 — генерал-майор Лавров Игорь Константинович
• 2018 йылдан — генерал-майор А. С. Дорожка

Билдәле тамамлаусылар

• Путин Владимир Владимирович^[4]