Landkroas Naimakk in da Owerpfolz
From Wikipedia, the free encyclopedia
Remove ads
Da Landkroas Naimakk in da Owerpfolz (alternativ asgsprocha: Naimoak), omtlich Landkreis Neumarkt i.d.OPf., is da westlichste Landkroas von Regierungsbezirk Owerpfolz in Bayern. Er ligt in an Draieck zwischa de Grousstedt Niamberg, Rengschburch und Inglstod.
| Der Artikl is im Dialekt westlichs Nordboarisch gschriem worn. |
Remove ads
Region und Wiatschoft
In sainer haintinga Form is da Londkroas Naimakk iwer d Gebejtsreform in Bayern 1972 entstondn, dou is vor olln da Londkroas Parschbach aglidert worn. D Stod Naimakk is vor da Reform a kroasfraie Stod gwen.
Ghejern tout da Londkroas zo da Metropolregion Nirmberch und zo da Plonungsregion Rengschburch. Es wirtschoftliche und kulturölle Zentrum is Naimakk. Orientiern tejnse d Lait und d Wirtschoft z Naimakk und rundumadum ar af Nirmberch (bsunders arwatsplozmasse), in Ostn ar af Rengschburch, in Sidn ar af Inglstod.
Aa zo da Region Oltbayern ghejert da Londkroas. Gredt wird in derer Gechad Boarisch, gnauer: Nordboarisch, mit frenkische Ainfliss in Westn und Nordn.
Remove ads
Geografie
Da Londkroas Naimakk ligt bailaife in da Mittn vo Bayern, dou wouse de Frenkische Olb oda da Frenkische Jura und da Owerpfölzer Jura in ara ungfern Linie Berch - Naimakk - Bacham treffa. Estlich vo derer find'ma durt a obwechslungsraiche Berchlondschoft, durch dej zejngse zolraiche Taler vo Bach und Fliss. Westlich wird d Londschoft flocher, durt han ner nu oanzlne Zaingberch, baispülswais da Bouchberch und da Düllberch). Dej waisn af des hi, das da Stalrond urspringle waiter in Westn valoffa is. D Stod Naimakk ligt in aran su an Tolkessl.
Remove ads
Städt und Gmoana
Hiwais: De Ortsnama han de traditionölln durtinga, und in Klommern hinter deane de offiziölln mit de Titl und de Nomazousetz.
- Bacham (Stadt Berching)
- Berch (Gemeinde Berg bei Neumarkt in der Oberpfalz)
- Berngau (Gemeinde Berngau)
- Broinbrunn (Markt Breitenbrunn)
- Deining (Gemeinde Deining)
- Dejpfurt (Stadt Dietfurt an der Altmühl)
- d'Freystod (Stadt Freystadt)
- Houaföls bzw. Houföös (Markt Hohenfels)
- Lauterhuf (Markt Lauterhofen)
- Lupburch (Markt Lupburg)
- Mühlhausn (Gemeinde Mühlhausen)
- Naimakk oda in Ostn und in Sidn: Naimoark (Stadt Neumarkt in der Oberpfalz)
- Parschbach (Stadt Parsberg)
- Büsa (Gemeinde Pilsach)
- Poschbaua-Heng (Markt Postbauer-Heng)
- Pyrbam (Markt Pyrbaum)
- Sengatol (Gemeinde Sengental)
- Saiberschdorf (Gemeinde Seubersdorf in da Oberpfalz)
- Völburch (Stadt Velburg)
De Gmoana Berngau, Pülsa und Sengatol büldn zomma d Vawoltungsgmoaschoft Naimakk in da Owerpfolz.
Im Netz
- D Hoamsaitn von Londkroas
- Landkroas Naimakk in da Owerpfolz: Woppmgschicht vom Haus der Bayerischen Geschichte
Quölln und Lesats
- Landkreis Neumarkt i.d.OPf. : Das große Heimatbuch der westlichen Oberpfalz, Buchverlag der Mittelbayerischen Zeitung, Regensburg, 1993, ISBN 3-927529-98-2
Landkroas und kroasfreie Städt vo Bayern
Remove ads
Wikiwand - on
Seamless Wikipedia browsing. On steroids.
Remove ads