Ёдзі

Ёдзі (Ёдава) — возера ў Астравецкім раёне Гарадзенскай вобласьці. Знаходзіцца за 33 км на паўночны ўсход ад гарадзкога пасёлка Астравец, каля вёскі Ёдзі. Належыць да групы Сарачанскіх азёр.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ёдзі (неадназначнасьць).

Возера Ёдзі Краіна Беларусь Плошча 0,61 км² Плошча вадазбору 4,4 км² Максымальная глыбіня 19,7 м Найбольшая даўжыня 1,60 км Найбольшая шырыня 0,52 км Даўжыня берагавой лініі 3,74 км Вышыня над узроўнем мора 128 м[1] Аб’ём вады 4,84 млн м³ Каардынаты 54°50′54.60″ пн. ш. 26°17′22.86″ у. д. Ёдзі на мапе Беларусі Ёдзі

Галерэя здымкаў у Вікісховішчы

Возера знаходзіцца ў басэйне ракі Страча. Плошча Ёдзі складае 0,61 км². Найбольшая глыбіня возера — 19,7 м. Даўжыня возера — 1,60 км, найбольшая шырыня — 0,52 км. Аб’ём вады ў возеры складае 4,84 млн м³. Даўжыня берагавой лініі — 3,74 км, плошча вадазбору возера — 4,4 км².

Празрыстасьць вады ў возеры складае 3,4 м.

Возера Ёдзі

Схілы катлавіны маюць вышыню 6—10 м, разараныя. На поўдні вышыня схілаў складае 8—15 м, парослыя лесам. Берагі возера зьліваюцца з схіламі. На паўднёвым усходзе і паўднёвым захадзе берагі сплавінныя.

Дно вадаёма плоскае. Мелкаводзьдзе да глыбіні 2—4 м высланае пяском і апяшчаненымі адкладаньнямі. На большых глыбінях дно высланае сапрапэлем.

Шырыня паласы зарастаньня возера складае 10—70 м.

У Ёдзі ўпадаюць 4 ручаіны, а на паўднёвым усходзе возера злучанае пратокай з возерам Гульбеза.