Ён Арнэ Рыісэ

Ён Арнэ Сэмундсэт Рыісэ (па-нарвэску: John Arne Semundseth Riise; нар. 24 верасьня 1980 году, Мольдэ, Нарвэгія) — нарвэскі футбольны абаронца. Былы гулец нацыянальнай зборнай Нарвэгіі. Гуляе на левым флянзе, адрозьніваецца магутным ударам зь левай нагі і велізарнай трываласьцю, якая дазваляе яму «закрываць» увесь флянг. Ягоны малодшы брат, Б’ёрн Гэльге Рыісэ, таксама зьяўляецца прафэсійным футбалістам, у 2007 годзе ён дэбютаваў у зборнай Нарвэгіі.

Ён Арнэ Рыісэ
Пэрсанальная інфармацыя
Нарадзіўся	24 верасьня 1980(1980-09-24)[1][2][3] (44 гады) Мольдэ, Мёрэ-ог-Румсдал
Рост	185 см
Вага	77 кг
Пазыцыя	скрайні абаронца
Клюбы
Гады	Клюб	Гульні (галы)¹
1997—1998	Олесун	25 (5)
1998—2001	Манака	44 (4)
2001—2008	Лівэрпул	234 (21)
2008—2011	Рома	99 (7)
2011—2014	Фулгэм	87 (0)
2014—2015	АПОЭЛ	25 (4)
2015—2016	Адыса[d]	15 (1)
2016	Олесун	10 (0)
2016—2017	Чэнаін[d]	10 (1)
Зборныя
1996	Нарвэгія (да 15)[d]	9 (3)
2000—2013	Нарвэгія	110 (16)

Кар’ера

Сэзоны 2006—2007 і 2007—2008 гадоў Ён-Арнэ правёў даволі слаба і быў выцесьнены з складу бразыльскім фулбэкам Фабію Аўрэлію, адзіным недахопам якога было частае атрыманьне ім траўмаў. У красавіку 2008 году ў першым матчы паўфіналу Лігі чэмпіёнаў супраць «Чэлсі» Фабіё атрымаў чарговую траўму і на 63-й хвіліне быў заменены. Рыісэ, які выйшаў замест яго на шостай дададзенай арбітрам да матчу хвіліне зрэзаў мяч у свае вароты і дазволіў лёнданскаму клюбу дамагчыся нічыёй на «Энфілдзе». Такім чынам перад зваротным матчам «Чэлсі» атрымаў сур’ёзную перавагу і ў выніку здолеў ёй скарыстацца, упершыню ў сваёй гісторыі выйдучы ў фінал галоўнага эўрапейскага футбольнага турніру.

З чэрвеня 2008 году Рыісэ гуляў за «Рому», а ў 2011 годзе гулец вярнуўся ў Ангельшчыну, дзе абараняў клоеры клюбу «Фулгэму». Пасьля вылету каманды з Прэм’ер-Лігі ў сэзоне 2013—2014 гадоў, Рыісэ зьехаў з клюбу і ў верасьні далучыўся да кіпрскага клюбу АПОЭЛ.

Дасягненьні

«Манака»:

• Чэмпіянат Францыі: 2000
• Уладальнік Супэркубка Францыі: 2000

«Лівэрпул»:

• Уладальнік Кубка Ангельшчыны: 2006
• Уладальнік Кубка футбольнай лігі: 2003
• Уладальнік Супэркубка Ангельшчыны: 2001, 2006
• Пераможца Лігі чэмпіёнаў: 2005
• Уладальнік Супэркубка Эўропы: 2001, 2005

АПОЭЛ:

• Чэмпіянат Кіпру: 2015
• Уладальнік Кубка Кіпру: 2015

Асабістыя:

• Прыз Кніксэна 2006 (лепшаму нарвэскаму футбалісту году)