Ігакея Александравац

«Ігакея» (па-сэрбску: Игокеа) — басьнійскі баскетбольны клюб з Александраўцу, што месьціцца блізу Лакташы ў Рэспубліцы Сэрбскай. Каманда спаборнічае ў Лізе АБА і Першай лізе чэмпіянату Босьніі і Герцагавіны. Клюб ёсьць адным з заснавальнікаў і акцыянэрам Лігі АБА^[1].

Ігакея
Заснаваны	1973
Месцазнаходжаньне	Александравац, Босьнія і Герцанавіна
Арэна	Спартовы палац Зьмяшчальнасьць: 3050
Чэмпіянат	Ліга АБА
Форма
Клюбныя колеры
Спасылкі
Афіцыйная бачына
Галерэя здымкаў у Вікісховішчы

Гісторыя

Карані сучаснага клюбу сягаюць да 23 ліпеня 1973 году, калі купка энтузіястаў стварыла ў Александраўцы баскетбольны клюб пад назовам «Потказар’е». У другой палове 1990-х гадоў клюб быў перайменаваны ў «Ігакеа», і тады менавіта тады асноўная ўвага была зробленая на юнацкіх камандах. Свой першы трафэй «Ігакеа» здабыла ў 2001 годзе, калі клюб узяў перамогу ў чэмпіянаце Босьніі і Герцагавіне. Праз шэсьць гадоў баскетбалісты клюбу здабылі кубак краіны. У сэзоне 2010—2011 гадоў «Ігакеа» ўпершыню ўзяла ўдзел у Лізе АБА, а ў 2013 годзе дакрочыла да фіналу чатырох мясцовай лігі, забясьпечыўшы сабе месца ў Эўракубку. У пачатку сэзону Лігі АБА 2012—2013 гадоў рада лігі абвесьціла, што, пачынаючы з тагачаснага сэзону, адзіным спосабам кваліфікацыі ў эўрапейскія клюбныя турніры будзе менавіта гэтая ліга наўзамен нацыянальных чэмпіянатаў кожнай з краінаў-сяброў лігі АБА.