Ігар Дзянісаў

І́гар Дзяні́саў (па-расейску: Игорь Денисов; нарадзіўся 17 траўня 1984 году, Ленінград, СССР) — былы расейскі футбаліст, паўабаронца. Гулец нацыянальнай зборнай Расеі. Заслужаны майстар спорту Расеі (2008).

Ігар Дзянісаў
Пэрсанальная інфармацыя
Нарадзіўся	17 траўня 1984(1984-05-17)[1][2] (41 год) Ленінград, РСФСР, СССР
Рост	176 см
Вага	70 кг
Пазыцыя	паўабаронца
Клюбы
Гады	Клюб	Гульні (галы)¹
2003—2013 2013 2013—2017 2016—2017 2017—2019	Зэніт Анжы Дынама Масква → Лякаматыў Масква (арэнда) Лякаматыў Масква	254 (23) 3 (0) 62 (1) 23 (1) 44 (0)
Зборныя
2008—2016	Расея	54 (0)

Кар’ера

Клюбная

Ігар зьяўляецца выхаванцам пецярбурскага футболу. За пецярбурскі «Зэніт» выступаў з 2001 году. Дэбютаваў у асноўным складзе клюбу ў 2002 годзе ў матчы супраць ЦСКА. Ужо з наступнага году ён атрымаў сталую прапіску ў аснове, толькі час ад часу прымаючы ўдзел у некаторых гульнях дубля. Пад кіраўніцтвам Дыка Адвакаата Ігар заваяваў разам з камандай тытулы чэмпіёна Расеі, уладальніка Супэркубка Расеі, Кубка й Супэркубка УЭФА.

Паводле вынікаў сэзону 2011—2012 гадоў быў прызнаны найлепшым футбалістам году паводле вэрсіі РФЗ.

Міжнародная

11 кастрычніка 2008 году Ігар дэбютаваў у нацыянальнай зборнай Расеі ва ўзросьце 24 гадоў у матчы адборачнага цыклю чэмпіянату сьвету 2010 году супраць каманды Нямеччыны, выйшаўшы ў стартавым складзе й адыграўшы ўсе 90 хвілін.

Дасягненьні

«Зэніт»:

• Чэмпіён Расеі: 2007, 2010, 2012
• Уладальнік Кубка Расеі: 2010
• Уладальнік Супэркубка Расеі: 2008, 2011
• Уладальнік Кубка расейскай Прэм’ер-лігі: 2003
• Уладальнік Кубка УЭФА: 2008
• Уладальнік Супэркубка УЭФА: 2008

«Лякаматыў»:

• Чэмпіён Расеі: 2018
• Уладальнік Кубка Расеі: 2017, 2019

Асабістае жыцьцё

Ігар жанаты на Алене Дзянісавай. Мае чытырох дзяцей. Любіць сабак, шахматы й тэніс.