Лякаматыў Масква

«Лякаматы́ў» (па-расейску: Локомотив) — расейскі футбольны клюб з гораду Масквы. Заснаваны ў 1923 годзе. Трохразовы чэмпіён Расеі, двухразовы ўладальнік Кубка СССР, васьміразовы ўладальнік Кубка Расеі й двухразовы ўладальнік Супэркубка Расеі. Генэральным спонсарам клюбу зьяўляецца ААТ «Расейская чыгунка».

Лякаматыў
Заснаваны	1923
Горад	Масква, Расея
Стадыён	РЖД-Арэна Умяшчальнасьць: 27 320
Прэзыдэнт	Уладзімер Лявончанка[d]
Кіраўнік	Расейская чыгунка
Галоўны трэнэр	Міхаіл Галакцівонаў[d][1]
Чэмпіянат	Прэм’ер-ліга
· 2024—2025	6 месца
Хатнія колеры Выязныя колеры Трэція колеры
Галерэя здымкаў у Вікісховішчы fclm.ru (рас.)​ (анг.)

Гісторыя

Дата заснаваньня

Афіцыйная дата заснаваньня клюбу пад сучаснай назвай «Лякаматыў» ёсьць 12 студзеня 1936 году. Аднак на афіцыйным сайце клюбу пазначана, што папярэднікамі «Лякаматыва» былі чыгуначныя клюбы «Казанка», які зьявіўся ў 1923 годзе; Клюб Кастрычніцкай рэвалюцыі (ККР), які выступаў у 1924—1930 гадох; і зноў «Казанка», які гуляў у 1931—1935 гадох. У адпаведнасьці з гэтым, датай заснаваньня клюбу можа таксама лічыцца 12 жніўня 1923 году. У кнізе Савіна «Масква футбольная» са спасылкай на футбольны каляндар-даведнік Масквы 1922 году прыводзіцца інфармацыя аб складах груп «Б» і «В» чэмпіянату сталіцы, дзе можна знайсьці першыя згадваньні аб камандзе працоўных чыгуначнага дэпо Масква-пасажырская Казанскай чыгункі пад назвай «Гурток футбалістаў Казанскай дарогі» (скарочана «Казанка»), якая зьявілася ў 1922 годзе^[2]. Фактычна ў асяродзьдзі заўзятараў «Лякаматыва» кожны год двойчы адзначаюць дзень нараджэньня каманды, паколькі 12 жніўня знаходзіцца па тэрмінах побач з Днём чыгуначніка, які адзначаецца ў першую нядзелю жніўня^[3].

1923—1991

22 траўня 1936 году стаў днём нараджэньня чэмпіянатаў Савецкага Саюзу па футболе, адкрываў чэмпіянат матч паміж ленінградзкім «Дынама» й маскоўскім «Лякаматывам». Першы гол быў на рахунку гульца чыгуначнікаў Віктара Лаўрова, але пасьля ленінградзкая каманда забіла тры галы й перамагла ў матчы зь лікам 3:1. Той сэзон чыгуначнікі скончылі на пятым месцы, тады ж быў і першы заваяваны трафэй, ім стаў першы Кубак СССР у 1936 годзе. У фінале на стадыёне «Дынама» ў прысутнасьці 20 тысячаў гледачоў «Лякаматыў» абыграў тбіліскае «Дынама».

У канцы 1930-х гадоў за каманду гуляў Валянцін Гранаткін, які зрабіў выдатную кар’еру ў якасьці гульца й чыноўніка. З 1981 году па ініцыятыве прэзыдэнта ФІФА Жуана Авэланжа праводзіцца міжнародны турнір юнацкіх камандаў па футболе памяці першага віцэ-прэзыдэнта ФІФА Гранаткіна.

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Антон Матрушкін  1996 3 Аб Лукас Фасон  2001 5 Аб Жэрзыно Ньямсі  1997 6 ПА Дзьмітры Барынаў  (капітан) 1996 7 Нап Зэлімхан Бакаеў  1996 8 Нап Уладзіслаў Сарвелі  1997 9 Нап Сяргей Піняеў  2004 10 Нап Дзьмітры Вараб’ёў  1997 14 Нап Мікіта Салтыкоў  2004 16 Бр Данііл Весялоў 2005 18 Аб Марк Мампасі  2003 19 Нап Аляксандар Рудзенка  1999 22 Бр Ільля Лантратаў  1995

№ Пазыцыя Імя Год нараджэньня 23 Аб Сэсар Монтэс  1997 24 Аб Максім Ненахаў  1998 27 Нап Мікалай Камлічэнка  1995 45 Аб Аляксандар Сільянаў  2001 59 Аб Ягор Пагостнаў  2004 77 Аб Ільля Самошнікаў  1997 83 ПА Аляксей Батракоў  2005 85 Аб Яўген Марозаў  2001 90 ПА Даніла Гадзяеў  2004 93 ПА Арцём Карпукас  2002 94 ПА Арцём Цімафееў  1994 99 Нап Руслан Мялкоўскі 2006 — ПА Канстанцін Марадзішвілі  2000