Ігар Зелянкевіч

І́гар Бары́савіч Зелянке́віч (нар. 1952, Менск, БССР) — беларускі дзяржаўны дзяяч, міністар аховы здароўя Беларусі (1997—2001).

Ігар Зелянкевіч
Міністр аховы здароўя Рэспублікі Беларусь
7 лютага 1997 — 1 кастрычніка 2001
Прэзыдэнт	Аляксандар Лукашэнка
Прэм’ер-міністар	Сяргей Лінг Уладзімер Ярмошын
Папярэднік	Інэса Драбышэўская
Наступнік	Уладзіслаў Астапенка
Асабістыя зьвесткі
Нарадзіўся	19 кастрычніка 1952(1952-10-19) (72 гады) Менск, БССР, СССР
Адукацыя	Акадэмія кіраваньня пры прэзыдэнце Рэспублікі Беларусь (1993) Беларускі дзяржаўны мэдычны ўнівэрсытэт (1976)[1]

Вікіпэдыя мае артыкулы пра іншых асобаў з прозьвішчам Зелянкевіч (неадназначнасьць).

Жыцьцяпіс

Нарадзіўся ў 1952 року ў Менску.

У 1976 року скончыў Менскі мэдінстытут.

У 1976—1977 — лекар-інтэрн 4-й Менскай гарадзкой клінічнай больніцы, у 1977—1978 — лекар-уроляг гэтай больніцы.

У 1978—1980 — лекар вайсковай часткі № 2133 у Кінгісэпе Эстонскай ССР.

У 1980 року вярнуўся ў Менск, працаваў у Менскай гарадзкой клінічнай больніцы спачатку на пасадзе лекара-ўроляга, а затым намесьнікам галоўнага лекара (1984—1986).

У 1986—1990 — загадчык аддзелу, начальнік управы аховы здароўя Менскага выканаўчага камітэту.

У 1990-1996 — намесьнік старшыні Менскага выканаўчага камітэту, старшыня Камітэту аховы здароўя і сацыяльнай абароны насельніцтва Менску.

У 1996—1997 — намесьнік старшыні Менскага выканаўчага камітэту.

У 1997^[2]—2001^[3] — міністар аховы здароўя Рэспублікі Беларусі.

У цяперашні час працуе ў Выканаўчым камітэце СНД намесьнікам начальніка аналітычнага аддзелу; займаецца грамадзкай і пэдагагічнай дзейнасьцю.

Кандыдат сацыялягічных навук. Тэма дысэртацыі — «Сацыяльныя рэсурсы здароўя ў сыстэме павышэньня якасьці жыцьця насельніцтва як аб’ект сацыяльнага кіраваньня: На матэрыялах Рэспублікі Беларусь»^[4].