Ігар Шуневіч

І́гар Анато́левіч Шуне́віч (нар. 1967; Луганская вобласьць, цяпер Украіна) — міністар унутраных справаў Беларусі, генэрал-лейтэнант міліцыі.

Вікіпэдыя мае артыкулы пра іншых асобаў з прозьвішчам Шуневіч (неадназначнасьць).

Ігар Шуневіч
па-ўкраінску: Ігор Анатолійович Шуневич
8-ы міністар унутраных справаў Рэспублікі Беларусь
11 траўня 2012 — 10 чэрвеня 2019
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч, Андрэй Кабякоў
Папярэднік	Анатоль Куляшоў
Наступнік	Юры Караеў
Асабістыя зьвесткі
Нарадзіўся	27 сакавіка 1967 (58 гадоў)[1] Луганская вобласьць, Украінская ССР
Адукацыя	Акадэмія міліцыі МУС Беларусі (1992)
Узнагароды	Ордэн Айчыны 3 ступені (Беларусь) Мэдаль За бездакорную службу 1 ступені Мэдаль За бездакорную службу 2 ступені Мэдаль За бездакорную службу 3 ступені

Жыцьцяпіс

Скончыў Акадэмію міліцыі МУС Беларусі (1992), служыў у сыстэме органаў унутраных справаў рэспублікі на розных пасадах — пачынаў служыць сьледчым, дайшоў да намесьніка начальніка УУС Менскага аблвыканкаму.

У 2007—2012 узначальваў сьледчую ўправу КДБ РБ, галоўную ўправу контраразьведвальнага забесьпячэньня праваахоўных і кантралюючых органаў, па барацьбе з карупцыяй і арганізаванай злачыннасьцю. 17 студзеня 2012 Шуневіч быў прызначаны першым намесьнікам міністра ўнутраных справаў Беларусі — начальнікам крымінальнай міліцыі. 11 траўня 2012 прызначаны міністрам унутраных справаў.

10 чэрвеня 2019 г. міністар унутраных спраў Ігар Шуневіч сышоў у адстаўку. Гэта адбылося падчас рабочай сустрэчы з Прэзыдэнтам Беларусі Аляксандрам Лукашэнкам, на якой абмяркоўвалася падрыхтоўка да II Эўрапейскіх гульняў^[2].

Узнагароды

• Ордэн Айчыны III ступені (12 студзеня 2014 году) «за ўзорнае выкананьне вайсовага абавязку, службовых абавязкаў, высокі прафэсіяналізм і ўмацаваньне абараназдольнасьці дзяржавы»^[3]
• Мэдаль «90 гадоў беларускай міліцыі»
• Мэдаль «90 гадоў Камітэту дзяржаўнай бясьпекі Рэспублікі Беларусь»
• Мэдаль «90 гадоў Узброеным Сілам Рэспублікі Беларусь»