Ільля Балтрушэвіч

Ільля Балтрушэвіч (нар. 30 сакавіка 1999 году) — беларускі футбаліст, абаронца магілёўскага «Дняпра».

Ільля Балтрушэвіч
Пэрсанальная інфармацыя
Нарадзіўся	30 сакавіка 1999(1999-03-30)[1] (26 гадоў) Магілёў, Беларусь[2]
Рост	194 см
Вага	85 кг[2]
Пазыцыя	абаронца
Клюбная інфармацыя
Клюб	Дняпро Магілёў
Нумар	22
Клюбы
Гады	Клюб	Гульні (галы)¹
2015—2018	Дняпро Магілёў	9 (0)
2017	→ Шахцёр Салігорск
2019	Дняпро Магілёў[d]	0 (0)
2019	→ Ліда	26 (3)
2020	Белшына	0 (0)
2020	Смаргонь	13 (0)
2021—4	Дняпро Магілёў	67 (5)
2022	→ Іслач	8 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 красавіка 2025.

Кар’ера

У 2015 годзе пачаў прыцягвацца да складу магілёўскага «Дняпра», які на той час выступаў у Першай лізе. Дэбютаваў у асноўнай камандзе 1 жніўня 2015 году ў матчы Кубка Беларусі супраць наваполацкага «Нафтану» (2:3), выйшаўшы на замену ў другім тайме. У 2016 годзе правёў за магілёўскі клюб 4 матчы ў Першай лізе.

У 2017 годзе, па выхадзе магілёўскай каманды ў Найвышэйшую лігу, пачаў выступаць за дубль. У ліпені 2017 году на правах арэнды далучыўся да салігорскага «Шахцёра»^[3], дзе таксама гуляў за клюбны дубль, а таксама браў удзел у Юніёрскай лізе УЭФА. У 2018 годзе вярнуўся ў «Дняпро», зноўку пачаў гуляць за дубль, часам прыцягваючыся да асноўнай каманды. Дэбютаваў у Найвышэйшай лізе 6 кастрычніка 2018 году ў хатнім матчы супраць берасьцейскага «Дынама» (1:4), адгуляўшы ўсе 90 хвілінаў. У лютым 2019 году, пасьля таго як стала вядома пра аб’яднаньне «Дняпра» зь менскім «Промнем», выправіўся на прагляд у аб’яднаную каманду, але не падышоў і пазьней далучыўся да «Ліды». У сакавіку 2019 году афіцыйна ўзмоцніў склад аб’яднанай каманды, якая атрымала назву «Дняпро», і быў выпраўлены ў арэнду ў лідзкі клюб^[4]. У складзе «Ліды» быў трывалым гульцом пачатковага складу.

У лютым 2020 году пасьля прагляду падпісаў кантракт з бабруйскай «Белшынай»^[5]. Гуляў за дубль бабруйчанаў, у асноўнай камандзе толькі заставаўся на лаўцы запасных. У ліпені 2020 году пакінуў каманду^[6] і неўзабаве далучыўся да «Смаргоні»^[7], дзе трывала гуляў у першым складзе. З студзеня 2021 году пачаў трэнавацца з магілёўскім «Дняпром» і ў лютым афіцыйна стаў футбалістам каманды^[8]. У cэзоне 2021 году трывала зьяўляўся ў стартавым складзе магілёўцаў. У студзені 2022 году прыбыў на прагляд да «Іслачы», якая ў лютым узяла абаронцу ў арэнду^[9]. У пачатку cэзону 2022 году нярэдка гуляў у асноўнай камандзе, у тым ліку ў першай адзінаццатцы, а ў чэрвені атрымаў цяжкую траўму і больш не зьяўляўся на полі. Па заканчэньні cэзону 2022 году вярнуўся з арэнды ў «Дняпро»^[10][11].

Сэзон 2023 году пачаў у магілёўскім клюбе ў Першай лізе. У жніўні 2023 году атрымаў траўму і выбыў да канца cэзону. У сьнежні 2023 году падоўжыў кантракт з «Дняпром»^[12]. У 2024 годзе замацаваўся ў складзе каманды, якая тым часам спаборнічала ў Найвышэйшай лізе. У студзені 2025 году пакінуў «Дняпро»^[13], але ўжо празь месяц склаў новы гадавы кантракт з камандай^[14].

Статыстыка

Клюб	Сэзон	Чэмпіянат
		Дывізіён	Матчы	Галы
Дняпро Магілёў	2018	Найвышэйшая ліга	5	0