Ільля Сін

Ільля Сін, сапр. Ільля Васільевіч Сьвірын (нар. 1978, Менск) — беларускі пісьменьнік.

Ільля Сін
Асабістыя зьвесткі
Нарадзіўся	30 лістапада 1978(1978-11-30) (46 гадоў) Менск, БССР, СССР
Літаратурная дзейнасьць
Род дзейнасьці	пісьменьнік
Мова	беларуская мова[1] і ангельская[1]
Узнагароды	Літаратурная прэмія імя Ежы Гедройца (2019) Гліняны Вялес (2018)

Жыцьцяпіс

Удзельнік мастацкага руху «БумБамЛіт» (1995—99)^[2], лідэр групы экзістэнцыйнай клаўнады «Тэатар псыхічнае неўраўнаважанасьці» (1997—2010), арганізатар і ўдзельнік некалькіх соцень імпрэзаў на Беларусі і ў іншых краінах, стыпэндыят літаратурнай праграмы «Homines Urbani» (Кракаў, 2008) і Міжнароднага дому пісьменьніка і перакладчыка (Вэнтсьпілс, 2010).

З 2017 году — рэдактар рэдакцыі газэты «Культура»^[3].

Творчасьць

Аўтар кніг «Ільля Сін памёр», «0», «Сапсаваныя лялькі». Кніга «Бэлетрыстыка» зьявілася як «рэканструкцыя ўласнай літаратуры сродкамі літаратуры»^[4]. «Libido» — першая кніга Ільлі Сіна, у якой ёсьць такія ўласьцівасьці прозы, як герой і сюжэт. Яе гераіня Марыя жыве ў правінцыйным постсавецкім горадзе, насельнікі якога ізаляваныя ў сваіх камэрах-адзіночках — разам з успамінамі, траўмамі мінулага і штучнымі каханкамі.

У 2019 «Libido» трапіла ў шорт-ліст Літаратурнай прэміі імя Ежы Гедройца. 25 верасьня Ільля Сін названы пераможцам прэміі Гедройца «за канцэптуальнае ўвасабленьне сьветаадчуваньня сучаснага грамадзтва і эфэктыўнае выкарыстаньне авангардысцкіх тэхнік пісьма»^[5].

Творчасьць

• «Ільля Сін памёр»,
• «0»,
• «Сапсаваныя лялькі»
• «Бэлетрыстыка»
• «Libido»