Іраклі Гарыбашвілі

Іраклі Гарыбашвілі (па-грузінску: ირაკლი ღარიბაშვილი; нар. 28 чэрвеня 1982 году) — грузінскі палітык і колішні прэм’ер-міністар Грузіі з 22 лютага 2021 году да 29 студзеня 2024 году^[4]. Раней таксама займаў аналягічную пасаду з 20 лістапада 2013 году па 29 сьнежня 2015 году калі сышоў у адстаўку. У палітыку патрапіў поруч са сваім даўнім паплечнікам бізнэсоўцам Бідзінам Іванішвілі ў кастрычніку 2012 году. Акрамя таго, працаваў міністрам унутраных справаў у кабінеце Бідзіна Іванішвілі з 2012 па 2013 гады. Іванішвілі прызначыў Гарыбашвілі сваім пераемнікам на пасадзе прэм’ер-міністра, калі ён добраахвотна сышоў з пасады ў лістападзе 2013 году^[5]. У 2018—2019 гадох Гарыбашвілі быў дарадцам назіральнай рады па кіраваньні рэгіянальнымі праектамі кітайскай кампаніі CEFC China Energy^[6]. На некалькі гадоў палітык зьнік з палітычнае арэны, але ў сакавіку 2019 году вярнуўся ў кіроўную партыю «Грузінская мара — Дэмакратычная Грузія», каб дапамагчы вывесьці яе з крызісу. 8 верасьня 2019 году быў прызначаны міністрам абароны ва ўрадзе Георгія Гахарыі.

Іраклі Гарыбашвілі
па-грузінску: ირაკლი ღარიბაშვილი
прэм’ер-міністар Грузіі[d]
20 лістапада 2013 — 30 сьнежня 2015
Папярэднік	Бідзіна Іванішвілі[d]
Наступнік	Георгій Квірыкашвілі[d]
міністар унутраных справаў Грузіі[d]
25 кастрычніка 2012 — 20 лістапада 2013
Папярэднік	Eka Zguladze[d]
Наступнік	Aleksandre Chikaidze[d]
міністар абароны Грузіі[d]
8 верасьня 2019 — 22 лютага 2021
Папярэднік	Levan Izoria[d]
Наступнік	Juansher Burchuladze[d]
прэм’ер-міністар Грузіі[d]
22 лютага 2021 — 29 студзеня 2024
Папярэднік	Георгій Гахарыя[d]
Наступнік	Іраклі Кабахідзэ
Асабістыя зьвесткі
Нарадзіўся	28 чэрвеня 1982(1982-06-28)[1][2][3] (43 гады) Тбілісі, Грузінская Савецкая Сацыялістычная Рэспубліка, СССР
Партыя	Грузінская мара
Адукацыя	Тбіліскі дзяржаўны ўнівэрсытэт Унівэрсытэт Пантэон-Сарбона[d]
Узнагароды
Подпіс