Ірына Масьляніцына

Іры́на Алякса́ндраўна Масьляні́цына (па-расейску: Ирина Александровна Масляницына; нар. 14 лістапада 1965, м. Пачынак Смаленскай вобласьці, РСФСР, СССР) — беларуская пісьменьніца, журналістка.

Ірына Масьляніцына
Асабістыя зьвесткі
Нарадзілася	14 ліпеня 1965(1965-07-14) (60 гадоў) Пачынак, Смаленская вобласьць, РСФСР, СССР
Літаратурная дзейнасьць
Род дзейнасьці	пісьменьніца, журналістка
Мова	беларуская мова
Узнагароды	Залаты Купідон
Творы на сайце Knihi.com

Жыцьцяпіс

З 1972 г. жыве ў Беларусі. Скончыла слонімскую СШ №2 з залатым мэдалём. У 1988 г. скончыла факультэт журналістыкі БДУ. Працавала ў газэце «Зара камунізму» (Пружаны, Берасьцейская вобласьць).

Вярнуўшыся ў Менск, працавала у газэтах «Добры вечар», «Цэнтральная газэта» на тэлебачаньні, у часопісе «Беларусь», загадчыцай аддзелу інфармацыі ў газэце «Літаратура і мастацтва» (2010—2012). З 2012 — у часопісе «Алеся».

Сябра Саюзу журналістаў СССР (1990) і Саюзу пісьменьнікаў Беларусі (2006).

Творчасьць

Аўтарка шэрагу кніг па гісторыі Беларусі, у асноўным у суаўтарстве зь М. Багадзяжам. Аўтарка гістарычных п’есаў, сцэнарыстка дакумэнтальных тэлефільмаў.

Цікавілася жыцьцяпісам графаў Чапскіх, буйных землеўладальнікаў Койданаўшчыны, знакамітых грамадзкіх і дзяржаўных дзеячоў XIX—XX стст.

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.

Вонкавыя спасылкі

• Жыцьцяпіс на Камунікаце