Іса

І́са — рака ў Беларусі, правы прыток Шчары (басэйн Нёману). Цячэ ў Баранавіцкім раёне Берасьцейскай вобласьці і Слонімскім раёне Гарадзенскай вобласьці. Даўжыня 62 км. Плошча вадазбору 554 км². Выдатак вады ў вусьці 3,6 м³/с. Сярэдні нахіл воднай паверхні 1,1‰.

Рака

Іса лац. Isa
Агульныя зьвесткі
Выток	каля в. Серабрышча
Вусьце	Шчара
Вобласьці	Гарадзенская вобласьць і Берасьцейская вобласьць
Даўжыня	62 км
Сярэднегадавы сьцёк	3,6 м³/с
Плошча басэйну	554 км²
Нахіл воднай паверхні	1,1 ‰

Асноўныя прытокі

• Пляхоўка, Рудня, Іска

На рацэ

• Места: Слонім
• Гістарычнае мястэчка: Палонка
• Зона адпачынку: Іса

Агульныя зьвесткі

Пачынаецца каля вёскі Серабрышча Баранавіцкага раёну, упадае ў Шчару ў межах Слоніму. Часткова цячэ тэрыторыяй біялягічнага заказьніку Слонімскі.

Даліна трапэцападобная. Абалона чаргуецца па берагох, месцамі адсутнічае, шырыня яе 100—180 м. Рэчышча ў верхняй і ніжняй плыні на працягу 15 км каналізаванае: ад вытоку да вёскі Зьвераўшчыны (11,6 км) і ад вёскі Харашэвічаў да вёскі Нагуевічаў (3,4 км). Яго шырыня ў межань 4—8 м. На рацэ каля Слоніма і вёскі Нагуевічаў плаціны^[1].