Ісламская дзяржава

Ісла́мская дзяржа́ва (Ісла́мская дзяржа́ва Іра́ку і Лева́нту) — транснацыянальная вайскова-тэрарыстычная арганізацыя, заснаваная ў кастрычніку 2006 году ў захопленым арабскімі ісламістамі ірацкім горадзе Бакуба(en) (цэнтар Дыяльскай вобласьці(en)) пад назовам Ісламская дзяржава Іраку.

«Ісламская дзяржава Іраку і Леванту»
араб. الدولة الإسلامية في العراق والشام‎
Чорны сьцяг з 2 надпісамі: «Мухамад — пасланец Алага»
Іншыя назвы:	«Ісламская дзяржава Іраку» (да 8 красавіка 2014 г.)
Зьяўляецца часткай:	«Аль-Каіда» (да 3 лютага 2014 г.)
Ідэалёгія:	шавінізм
Этнічная прыналежнасьць:	арабы
Рэлігійная прыналежнасьць:	іслам
Лідэры:	Ібрагім Бадры(en)
Штаб-кватэра:	Эр-Рака(en) (Сырыя)
Актыўная ў:	Ірак, Сырыя
Дата фармаваньня:	13 кастрычніка 2006 (18 гадоў таму)
Адлучылася ад:	Нарада маджагедаў у Іраку(en)
Праціўнікі:	Урады Іраку і Сырыі
Колькасьць сябраў:	20 тыс. (2014)
Удзел у канфліктах:	Ірацкая вайна, Грамадзянская вайна ў Сырыі

     Тэрыторыя, кантраляваная Ісламскай дзяржавай на канец жніўня 2016 г.

Мінуўшчына

Прылічаная да ліку тэрарыстычных арганізацыяў заходнімі ўрадамі і іхнымі хаўрусьнікамі, як то ЗША^[1], Вялікабрытаніяй^[2], Аўстраліяй^[3], Канадай^[4], Інданэзіяй^[5] і Саудаўскай Арабіяй^[6]. Кантралюе шэраг паўночных тэрыторыяў Іраку (за выняткам Курдыстану) і паўночна-ўсходніх тэрыторыяў Сырыі, дзе судакранаецца з Сырыйскім Курдыстанам і Турэччынай.

Паводле свайго самаабвешчанага статусу, дзяржава зьяўляецца халіфатам, то бок прызнае за сабой рэлігійную ўладу над усімі мусульманамі па ўсім сьвеце і імкнецца атрымаць палітычны кантроль над тэрыторыямі зь пераважна мусульманскіх насельніцтвам^[7], пачынаючы з тэрыторыі ў Леванце, уключаючы Ярданію, Ізраіль, Палестыну, Лібан, Кіпр і плошчу ў паўднёвай частцы Турэччыны^[8].

Група, у сваім першапачатковым выглядзе, складаецца і абапіраецца на шэраг суніцкіх арабскіх тэрарыстычных паўстанцкіх групаў, у тым ліку ейнага папярэдніка арганізацыі Аль-Каіды ў Іраку. Першапачатковая мэта ісламскай дзяржавы ёсьць стварэньне халіфату ў рэгіёне суніцкай большасьці ў Іраку. Пасьля ейнага ўдзелу ў грамадзянскай вайне ў Сырыі арганізацыя ў 2014 годзе пачала вайну ў Іраку^[9]. У чэрвені 2014 году паўстанцы «Ісламскай дзяржавы Іраку і Леванту» захапілі сталіцы Нінэвійскай і Салядынскай вобласьцяў на поўначы Іраку — Масул і Тыкрыт адпаведна^[10]. Арганізацыя Аб'яднаных Нацыяў паведаміла пра згубу звыш 1000 чалавек у баях з «Ісламскай дзяржавай Іраку і Леванту» за чэрвень, большасьць зь якіх была мірнымі жыхарамі. Сярод іншага, паўстанцы захапілі Байджыскі нафтаперапрацоўчы завод (Салядзінская вобласьць) за 200 км на поўнач ад Багдаду^[11]. 14 лістапада 2014 году Ірацкае войска вызваліла Байджы.

Мусульманскія багасловы па ўсім сьвеце не прызналі дзяржаву і адзначылі, што мусульмане не абавязаныя выказваць вернасьць гэтак званаму халіфу Абу Бакр аль-Багдадзі. У пачатку верасьня 2014 году баевікі арганізацыі апублікавалі заяву, дзе заяўлялася пра намер вядзеньня арганізацыяй паветранае вайны супраць узброеных сілаў Сырыі і захопу расейскае часткі Каўказу^[12]. 31 сакавіка 2015 году Ірацкае войска вызваліла Тыкрыт. У ліпені 2017 году Ірацкае войска вызваліла Масул пры падтрымцы амэрыканскага і францускага войскаў.