Істрыйская жупанія

Істрыйская жупанія, Істарская жупанія (па-харвацку: Istarska županija) — адміністрацыйная адзінка Харватыі, самая заходняя жупанія ў краіне. Сталіца — горад Пазін.

Істрыйская жупанія
Герб
Агульныя зьвесткі
Краіна	Харватыя[1]
Статус	жупанія Харватыі[d]
Адміністрацыйны цэнтар	Пазін
Насельніцтва	195 237 чал. (31 жніўня 2021)[2]
Плошча	2813 км²
Месцазнаходжаньне
Мэдыя-зьвесткі
Часавы пас	цэнтральнаэўрапейскі час, цэнтральнаэўрапейскі летні час
Код ISO 3166-2	HR-18
Тэлефонны код	52
Код аўтам. нумароў	PU
Афіцыйны сайт
Дадатковыя мультымэдыйныя матэрыялы

Геаграфія

Жупанія разьмешчана на паўвысьпе Істрыя паміж Трыесцкім залівам і залівам Кварнэр.

Жупанія мае берагавую лінію 445 км, якая складае разам з востравам тэрыторыю ў 539,9 км². Прыбярэжны бераг парослы каменным дубам і Сунічнымі дрэвамі. Лясы, пераважна дубовыя і сасновыя, пакрываюць трэць тэрыторыі жупаніі. Яны, у спалучэньні з марскім паветрам, ствараюць асаблівы гаючы клімат паўвострава.

Самая высокая кропка Істрыі — гара Ўчка (1396 м).

Прыродныя славутасьці:

• Нацыянальны парк Брыёні, які складаецца з двух вялікіх і дванаццаці дробных выспаў, тут расьце больш за 680 відаў расьлінаў
• Прыродны парк Учка
• Лімская затока
• Лес каля Матавуну
• Лесапарк Златны Рт і Шыяна недалёка ад Пула
• Прыродаахоўная тэрыторыя мыс Камяняк
• Орніталягічны запаведнік Палуда
• Пазынская і Барэдзінскія карставыя пячоры.