Ўільям Д’юсбэры

Ўільям Д’юсбэры (па-ангельску: William Duesbury; 7 верасьня 1725 — 1786) — адмысловец па рабоце з эмальлю і брытанскі антрэпрэнэр XVIII стагодзьдзя, заснавальнік Royal Crown Derby і ўладальнік парцалянавых фабрык каля Боў, Чэлсі, Дэрбі і Лонгтан Хол^[1].

Ўільям Д'юсбэры
William Duesbury
Сылюэт Ўільяма Д'юсбэры
Род дзейнасьці	адмысловец па рабоце з эмальлю, антрэпрэнэр
Дата нараджэньня	7 верасьня 1725
Месца нараджэньня	Стафардшыр, Ангельшчына, Каралеўства Вялікабрытанія
Дата сьмерці	лістапад 1786
Месца сьмерці	Дэрбі, Ангельшчына, Каралеўства Вялікабрытанія
Грамадзянства	Вялікабрытанія
Занятак	прадпрымальнік, маляр
Жонка	Сара Джэймз
Дзеці	Ўільям Д'юсбэры II

Біяграфія

Ўільям Д’юсбэры нарадзіўся 7 верасьня 1725 году^[1]. Ужо каля 1742 працаваў з эмальлю ў Лёндане, дзе заставаўся да 1753 году. Пазьней, у 1754—1755 гг. жыў і працаваў у Лонгтан Хол, дзе пражываў і яго бацька. У 1756 годзе накапіўшы дастаткова грошай, па азнаямленьні зь вядучымі парцалянавымі мануфактурамі і іхнімі вырабамі, ён вырашыў заснаваць сваю парцалянавую фабрыку ў Дэрбі на Нотынггэм Роўд. Гэты праект фундавалі мясцовыя банкіры Джон і Крыстафэр Гіт^[2]. Таксама сваім досьведам дзяліўся мясцовы ганчар Андрэ Пляншэ. У 1789 годзе пасьля банкруцтва Гітаў узяў бізнэс цалкам на сябе. Памёр у лістападзе 1786 году, перадаўшы фабрыку ў спадчыну свайму сыну, Ўільяму Д’юсбэры II^[3].

Ўільям Д’юсбэры быў сябрам Філязофскага таварыства Дэрбі^[4].

Прадукцыя кампаніі Royal Crown Derby, заснаванай Д'юсбэры, выстаўлена ў шэрагу музэяў — такіх, як Музэй Вікторыі і Альбэрта і Музэй і мастацкая галерэя Дэрбі^[5]