АНО 2011

АНО 2011 (па-чэску: ANO 2011) — папулісцкая^[2][3][4] палітычная партыя ў Чэхіі. Была закладзеная палітыкам Андрэем Бабішам. АНО часта апісваецца як цэнтралісцкая^[5][6]. Часам партыю ставаць як на левацэнтрысцкія^[7], гэтак і правацэнтрысцкія^[8][9] пазыцыі ў палітычным спэктры.

АНО 2011
па-чэску: ANO 2011
Дата заснаваньня	11 траўня 2012
Штаб-кватэра	Прага, Чэхія[1]
Ідэалёгія	папулізм і кансэрватыўны лібэралізм[d]
Колькасьць	2712
Афіцыйны сайт	anobudelip.cz (чэс.)

Ідэалёгія

Ідэалягічна, партыя стаіць на цэнтрысцкіх пазыцыях у палітычным цэнтры і мае падабенства з Хрысьціянска-дэмакратычным зьвязам — Чэхаславацкай народнай партыяй^[10][11] і Публічнымі справамі. Палітычная пазыцыя, насамрэч, шырока абмяркоўваецца сярод палітыкаў і палітолягаў. Правыя палітыкі сьцьвярджаюць, што АНО 2011 мае левы ўхіл, у той час як палітолягі лічаць партыю цэнтрысцкай^[12][13]. У адным з інтэрвію Бабіш заявіў, што АНО 2011 ёсьць правай палітычнай партыяй з сацыяльнай суперажываньнем^[14][15]. Часам партыя характарызуецца як сынкрэтычная^[16] і ўнівэрсальная^[17].

Бабіш выступае супраць пераходу Чэхіі на ўжываньне эўра, а таксама АНО 2011 выступае супраць далейшай эўрапейскай інтэграцыі і бюракратыі з Брусэлю^[18]. Пазьней Бабіш заяўляў, што быў адкрыты да прыняцьця эўра пасьля таго, як Чэхія займела збалянсаваны бюджэт. Таксама лідэр выступаў за больш шчыльныя сувязі зь Нямеччынай. У некаторых сфэрах, такіх як падатковая палітыка, Бабіш укараняў лявацкія элемэнты, у тым ліку адмену частковага вызваленьня ад падаткаў самазанятым людзям і аднаўленьне частковага вызваленьня ад падаткаў занятым пэнсіянэрам. Ён таксама прапаноўваў павялічыць заробкі школьным настаўнікам на 2,5%, у адрозьненьне ад першапачатковай прапановы міністэрства на 1%^[19].