Агароднікі (Сямятыцкі павет)

Агаро́днікі (па-польску: Ogrodniki, па-падляску: Horódniki, Huródniki^[2]) — вёска ў Сямятыцкім павеце Падляскага ваяводзтва Польшчы. Знаходзіцца ў гміне Сямятычы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агароднікі (неадназначнасьць).

Агароднікі
польск. Ogrodniki
Першыя згадкі:	15 ст.
Былая назва:	Малыя Слохі, Слохі Агароднікі
Мясцовая назва:	Horodniki, Hurodniki
Краіна:	Польшча
Ваяводзтва:	Падляскае
Павет:	Сямятыцкі
Гміна:	Сямятычы
Насельніцтва:	169 чал. (2011)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-300
Нумарны знак:	BSI
Геаграфічныя каардынаты:	52°22′59.88″ пн. ш. 22°48′0.00″ у. д.
Агароднікі на мапе Польшчы Агароднікі
Галерэя здымкаў у Вікісховішчы

Побач зь вёскай працякае рака Буг.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьвсьв. Пятра і Паўла ў Сямятычах^[3]). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя. Каталіцкая частка насельніцтва (парафія Прасьвятой Тройцы ў Дарагічыне^[4]) па этнічных ідэнтыфікацыях — польская.

Гісторыя

Вёска была заснаваная ў 15 ст., але яе землі былі заселяныя на многа раней, калі былі зьвязаныя з цэнтрамі ў Дарагічыне і Берасьці. Першапачаткова вёска існавала як пасяленьне агароднікаў у мяжах сямятыцкай маёмасьці і была зьвязаная з фальваркам у Слохах. У 1580 г. пражывала тут 12 агародніцкіх сем’яў і 6 рыбакоў^[2]. У міжваенны пэрыяд Агароднікі прыналежалі да гміны Сямятычы Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 173 жыхароў (усе праваслаўныя беларусы)^[5]. 23 чэрвеня 1941 г. вёска была спаляная немцамі^[6].