Алена Грыцэнка

Алена Мікалаеўна Грыцэнка (нар. 21 красавіка 1953 году ў Менску) — беларускі дыплямат.

Алена Грыцэнка
Надзвычайны і Паўнамоцны Амбасадар Рэспублікі Беларусь у Каралеўстве Нідэрлянды
14 жніўня 2008 — 2 траўня 2014
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Уладзімер Герасімовіч
Наступнік	Мікалай Барысевіч
Асабістыя зьвесткі
Нарадзілася	21 красавіка 1953 (72 гады) Менск
Адукацыя	Менскі дзяржаўны лінгвістычны ўнівэрсытэт

Біяграфія

Скончыла Менскі дзяржаўны пэдагагічны інстытут замежных моваў (1975), дзе потым працавала выкладчыкам да 1987 году. У 1988—1993 гадох працавала ў Міністэрстве Адукацыі БССР/Рэспублікі Беларусь. У 1993—1998 гадох працавала на кіраўнічых пасадах у Міністэрстве замежных справаў Рэспублікі Беларусь. У 1998—2003 гадох працавала ў амбасадзе Рэспублікі Беларусь у Рэспубліцы Эгіпет, потым зноў у Міністэрстве замежных справаў.

14 жніўня 2008 году прызначана была Надзвычайным і Паўнамоцным Амбасадарам Рэспублікі Беларусь у Каралеўстве Нідэрлянды, а таксама Пастаянным прадстаўнікам Рэспублікі Беларусь пры Арганізацыі па забароне хімічнай зброі^[1].

Узнагароды

• Ганаровая грамата Нацыянальнага сходу Рэспублікі Беларусь — 6 лютага 2006 году^[2].