Аляксандар Радзевіч

Алякса́ндар Міха́йлавіч Радзе́віч (нарадзіўся ў 1957 годзе, Смаргонскі раён Гарадзенскай вобласьці БССР) — беларускі дзяржаўны дзяяч, міністар прамысловасьці Рэспублікі Беларусь (2009—2011).

Аляксандар Радзевіч лац. Alaksandar Radzievič
міністар прамысловасьці Рэспублікі Беларусь
26 чэрвеня 2009 — 4 лютага 2011
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Анатоль Русецкі
Наступнік	Дзьмітры Кацярыніч
Асабістыя зьвесткі
Нарадзіўся	25 кастрычніка 1957 (67 гадоў) Смаргонскі раён Гарадзенскай вобласьці, БССР
Адукацыя	Беларускі дзяржаўны ўнівэрсытэт інфарматыкі і радыёэлектронікі
Узнагароды	Ганаровая грамата Савету Міністраў Рэспублікі Беларусь (25 траўня 2007) Ганаровая грамата Савету Міністраў Рэспублікі Беларусь (23 кастрычніка 2017)

Біяграфія

Нарадзіўся ў Смаргонскім раёне Гарадзенскай вобласьці ў 1957 годзе.

Скончыў Менскі радыётэхнічны інстытут па спэцыяльнасьці «канструяваньне і вытворчасьць радыёапаратуры» ў 1979 годзе.

1979—1981 — інжынэр вытворчага аб’яднаньня «Інтэграл».

1981—2002 — на розных пасадах на Смаргонскім заводзе аптычнага станкабудаваньня, з 1998 году — кіраўнік заводу.

2002—2005 — намесьнік старшыні Гарадзенскага абласнога выканаўчага камітэту.

З 1 сьнежня 2005 году — генэральны дырэктар ААТ «Горадня Азот».

26 чэрвеня 2009 — 4 лютага 2011^[1] міністар прамысловасьці Беларусі.

Чалец Назіральнае рады ААТ «Белпрамбудбанк».

Узнагароды і прэміі

25 траўня 2007 году ўзнагароджаны Ганаровай граматай Савету Міністраў Рэспублікі Беларусь «за шматгадовую плённую працу, значны асабiсты ўклад у разьвiцьцё хiмiчнай i нафтахiмiчнай прамысловасьцi рэспублiкi»^[2].