Аляксандар Суліма

Аляксандар Суліма (нарадзіўся 1 жніўня 1979 году) — колішні беларускі футбаліст, брамнік. Уваходзіць у Клюб беларускіх брамнікаў, якія не прапускалі галы ў 100 і болей матчах на найвышэйшым узроўні^[3]. У 2003—2007 гадах правёў 6 матчаў у складзе нацыянальнай зборнай Беларусі. У цяперашні час працуе трэнэрам брамнікаў у гарадзенскім «Нёмане».

Аляксандар Суліма
Пэрсанальная інфармацыя
Нарадзіўся	1 жніўня 1979(1979-08-01)[1][2] (46 гадоў) Горадня, БССР, СССР
Рост	179 см
Вага	77 кг
Пазыцыя	брамнік
Клюбы
Гады	Клюб	Гульні (галы)¹
1997—2002	Нёман Горадня	78 (0)
2003	Лада-Тальяці[d]	12 (0)
2003—2004	Нёман Горадня	44 (0)
2005—2009	Партызан Менск	127 (0)
2010—2013	Дынама Менск	56 (0)
2014	Нёман Горадня	13 (0)
Зборныя
2000—2001	Беларусь (да 21)	4 (0)
2004—2006	Беларусь	6 (0)

Кар’ера

Пераход Аляксадра з МТЗ-РІПА ў склад менскага «Дынама» выклікаў абурэньне з боку фанатаў бела-блакітных, з-за варожых адносінаў заўзятараў абодвух клюбаў. Аднак, зь цягам часу дзякуючы добрай гульні Суліма атрымаў добрае стаўленьне аматараў клюбу, атрымаўшы нават званьне найлепшага гульца клюбу сэзону 2012 году паводле апытаньня заўзятараў^[4]. У кастрычніку 2013 году разам зь Сяргеем Паліцевічам быў пераведзены ў дубль^[5], а потым кантракт з «Дынама» быў скасаваны^[6]. У студзені 2014 году падпісаў кантракт з гарадзенскім «Нёманам»^[7].

У красавіку 2015 году ўвайшоў у штаб моладзевай зборнай Беларусі ў якасьці трэнэра брамнікаў^[8]. У жніўні 2023 году атрымаў трэнэрскую ліцэнзію катэгорыі PRO^[9].

Дасягненьні

• Бронзавы прызэр чэмпіянату Беларусі: 2012