Аляксей Мікуліч

Аляксе́й Ігна́тавіч Міку́ліч (19 сьнежня 1934, вёска Жарабковічы Ляхавіцкага раёну Берасьцейскай вобласьці — 12 студзеня 2021) — беларускі антраполяг. Доктар біялягічных навук (1991). Ляўрэат Дзяржаўнай прэміі Беларусі (1998).

Аляксей Мікуліч лац. Alaksiej Mikulič
Дата нараджэньня	19 сьнежня 1934(1934-12-19)
Месца нараджэньня	Жарабковічы, Баранавіцкі павет, Наваградзкае ваяводзтва, Польская Рэспубліка
Дата сьмерці	12 студзеня 2021(2021-01-12) (86 гадоў)
Месца вучобы	Беларускі дзяржаўны мэдычны ўнівэрсытэт (1963)
Занятак	антраполяг
Навуковая сфэра	антрапалёгія
Месца працы	Міністэрства сацыяльнага забесьпячэньня БССР[d] Інстытут мастацтвазнаўства, этнаграфіі і фальклёру
Навуковая ступень	доктар біялягічных навук[d]
Узнагароды

Біяграфія

Скончыў Менскі мэдычны інстытут (1963). У 1963—1966 гадох працаваў у Міністэрстве сацыяльнага забесьпячэньня БССР, з 1969 году ў Інстытуце мастацтвазнаўства, этнаграфіі і фальклёру НАН Беларусі.

У 2009 годзе ўвайшоў у грамадзкі арганізацыйны камітэт «Міленіюм Літвы». У звароце арганізацыйнага камітэту паведамлялася, што назва Літва датычыцца старажытнай тэрыторыі Беларусі, а цяперашнія беларусы да пачатку XX стагодзьдзя называлі сябе ліцьвінамі^[1].

Вывучаў заканамернасьць зьменлівасьці генэтычна-антрапалягічных і адаптыўных тыпаў, генадэмаграфічных працэсаў сярод насельніцтва Беларусі і сумежных тэрыторыяў.

Працы

Адзін з аўтараў працаў «Нарысы па антрапалёгіі Беларусі» (1976), «Антрапалёгія Беларускага Палесься» (1978), «Біялягічнае і сацыяльнае ў фармаваньні антрапалягічных асаблівасьцяў» (1981), «Спадчынныя і сацыяльна-гігіенічныя фактары даўгалецьця» (1986)^[2].

• Фармаванне генафонду беларускага этнасу на яго памежжах па звестках антрапалогіі і генагеаграфіі // Беларусіка=Albaruthenica. Кн. 3. Мінск, 1994. С. 90.
• Беларусы ў генетычнай прасторы. Антрапалогія этнасу. — Менск: Тэхналогія, 2005. — 138 с.