Аляксей Шадзько

Аляксей Адольфавіч Шадзько — беларускі музыка, актор тэатра і кіно.

Аляксей Шадзько ў 2002 годзе

Біяграфія

Нарадзіўся 20 лютага 1962 году ў Менску. Скончыў у 1984 годзе Менскі тэатральны інстытут. Пасьля службы ў войску, працаваў у філярмоніях у Тамбове, Гародні, у аркестры ў Менску. У 1989 годзе арганізаваў рок-гурт «Доктор Моро» ў Санкт-Пецярбургу. Група праіснавала два гады, выпусьціла альбом і было зьнята некалькі відэакліпаў. Па вяртаньні ў Менск пачаў працу ў Рускім драматычным тэатры ім. Горкага. У 1999 году стварае групу «Сестра». Усяго за музычную кар’еру з 1991 году запісаў 10 кружэлак. У цяперашні час пасьпяхова выступае з канцэртамі ў Менску і іншых гарадах, удзельнічае ў некалькіх тэатральных пастаноўках.

Тэатральныя пастаноўкі

Удзел у бягучым рэпертуары

• Бэртальд Брэхт, Курт Вайль «Опэра жабракоў» — Мэкі-Нож
• Мікалай Эрдман «Тэрмінова патрабуецца… самазабойца» — Сямён Падсекальнікаў
• Янка Купала «Раскіданае гняздо» — Сымон
• па матывах Пляўта, Мальера і інш. «Амфітрыён» — Амфітрыён
• Фрыдрых Шылер «Дэмэтрыюс» — Дэмэтрыюс
• Рэй Куні «Злоўлены сеткай» — Джон Сьміт
• Оскар Ўайлд «Ідэальны муж» — Сэр Робэрт Чылтэрн

Дыскаграфія

У складзе гурта «Доктор Моро»:

• «По колено в небесах» (1991)

Сольныя альбомы:

• «Бэмс» (1996)
• «Я буду ждать» (1998)

У складзе гурта «Сестра»:

• «Моё» (1999);
• «Несмотря ни на что» (2000);
• «Вход к себе» (2001);
• «Деликатесы №1» (2002);
• «Диагноз» (2003);
• «Надеждин пароль» (2005);
• «Тайга» (2007).

Вонкавыя спасылкі

• Афіцыйны сайт  (рас.)