Алімпія Любляна

«Алі́мпія» (па-славенску: Olimpija) — славенскі футбольны клюб з гораду Любляны. Заснаваны ў 2005 годзе. 4-разовы чэмпіён Славеніі (2016, 2018, 2023, 2025), 4-разовы уладальнік Кубка Славеніі (2018, 2019, 2021, 2023).

Алімпія Любляна
Заснаваны	2005
Горад	Любляна, Славенія
Стадыён	Стожыцэ Умяшчальнасьць: 16 038
Прэзыдэнт	Мілан Мандарыч[d]
Галоўны трэнэр	Віктар Санчэс[d][1]
Чэмпіянат	Першая ліга
· 2024—2025	1 месца
Галерэя здымкаў у Вікісховішчы nkolimpija.si (слав.)

Гісторыя

Клюб быў заснаваны 2 сакавіка 2005 году пад назвай «Бэжыград». Па стварэньні каманда ўзяла ўдзел у пятым дывізіёне чэмпіянату Славеніі і даволі хутка прасоўвалася па лігах вышэй. Сэзон 2009—2010 гадоў «Алімпія» ўжо пачынала галоўным дывізіёне Першай лізе айчыннага першынства. Да ўдзелу ў эліце быў запрошаны новы трэнэр Бранка Облак, а таксама кантракты былі складзеныя з шэрагам новых гульцоў. Тым ня менш, пачатак сэзону склаўся для клюбу няўдала. Пасьля паразы ад «Марыбора» 8 жніўня 2009 году Облак быў звольнены, а ягоную пасаду часова заняў Сафэт Гаджыч. З трэнэрам Робэртам Пэўнікам «Алімпія» фінішавала на чацьвертым радку. У 2010 годзе клюб дэбютаваў у Лізе Эўропы матчамі супраць басьнійскага клюбу «Шырокі Брыег». Пазьней паводле зьвестак нямецкай тэлекампаніяй ARD гульні мелі дамоўлены характар^[2][3][4]. УЭФА афіцыйна праводзіла расьсьледваньне матчаў, то бок вядома што тры гульцы «Алімпіі» знаходзіліся пад сьледзтвам^[5]. Праз год «Алімпія» зноўку брала ўдзел у Лізе Эўропы і гэтым разам у двубоі перамагла «Шырокі Брыег» у першым раўндзе. Каманда спынілася на трэцім раўндзе, дзе была выбіта венскай «Аўстрыяй». Пасьля сямі гадоў у Першай лізе люблянцы сталі чэмпіёнамі краіны. Свой другі тытул чэмпіёнаў «Алімпія» здабыла ў сэзоне 2017—2018 гадоў.