Амонія Нікасія

«Амо́нія» (па-грэцку: Ομόνοια) — кіпрскі футбольны клюб з гораду Нікасіі. Заснаваны ў 1948 годзе, клюб далучыўся да Кіпрскай футбольнай асацыяцыі ў 1953 годзе. А 14 чэрвеня 2018 году «Амонія» стала прыватнай кампаніяй, упершыню ў сваёй гісторыі^[2]. 21-разовы чэмпіён Кіпру, 16-разовы ўладальнік Кубка Кіпру. Клюб утрымлівае рэкорд, займаючы 1 ці 2 месца запар з 1972 па 1987 гады. У гэты пэрыяд 13 разоў клюб станавіўся чэмпіёнам краіны. З 1980 па 1983 гады «Амонія» чатыры разы запар кожны год здабывала кубак Кіпру. Акрамя футбольнай дружыны, клюб мае таксама прадстаўніцтвы ў баскетболе^[3], валейболе^[4], роварным спорце^[5] і футзале. Апошні зь іх ёсьць асабліва пасьпяховым, дамогшыся перамогі ў лізе і кубку тры гады запар з 2011 году^[6].

Амонія
Поўная назва	Αθλητικός Σύλλογος Ομόνοια Λευκωσίας
Заснаваны	17 чэрвеня 1948
Горад	Нікасія, Кіпр
Стадыён	ГСП Умяшчальнасьць: 22 859
Прэзыдэнт	Стаўрас Папастаўру[d]
Галоўны трэнэр	Яніс Анастасію[d][1]
Чэмпіянат	Першы дывізіён
· 2024—2025	3 месца
Галерэя здымкаў у Вікісховішчы Афіцыйны сайт

Заўзятары

Заўзятары «Амоніі» ў гасьцявым матчы супраць аўстрыйскага «Рэд Булу» ў 2010 годзе.

Гістарычна склалася, што «Амонія» адна з самых папулярных камандаў на Кіпры з часу стварэньня клюбу. Дасьледаваньне 2022 году, праведзенае Нікасійскім унівэрсытэтам, выявіла, што «Амонія» ёсьць самай папулярнай камандай на востраве на сёньняшні дзень, то бок каля 30,7% з прыблізна 1500 апытаных людзей завілі аб сваёй прыхільнасьці да клюбу^[7].

«Амонія» трымае рэкорд па колькасьці рэалізаваных білетаў у лізе сярод кіпрскіх камандаў за адзін сэзон. Гэта адбылося ў сэзоне 2009—2010 гадоў, калі было прададзена 162 061 квіткой. Клюб таксама ўсталяваў рэкорд на самую высокую сярэднюю наведвальнасьць, калі ў сэзоне 2003—2004 гадоў у сярэднім хатнія матчы наведвалі 11 003 аматараў футболу^[8].

Прыхільнікі «Амоніі» вядомыя сваім левымі сацыялістычнымі поглядамі. Многія зь іх заяўлялі, што яны зьвязаныя з Прагрэсіўнай партыяй працоўнага народу. «Амонія» таксама традыцыйна разглядаецца як народны клюб ці клюб кіпрскай працоўнай клясы. Шмат хто з прыхільнікаў «Амоніі» на матчах каманды размахваюць сьцягамі з выявамі Чэ Гевары^[9].

Склад

Актуальны на 16 верасьня 2025 году

№ Пазыцыя Імя Год нараджэньня 2 Аб Альфа Д’юнку  2001 3 Аб Фотыс Кіцас  2003 5 Аб Сэну Кулібалі  1994 6 ПА Карэль Эйтынг  1998 7 Нап Вільлі Сэмэду  1994 8 Нап Стэван Ёвэтыч 1989 9 Нап Марыюш Стэмпінскі  1995 10 Нап Анастасіяс Хацыяваніс  1997 11 ПА Эвандру Коста  1996 14 ПА Матэо Марыч  1998 17 Аб Саад Агузул  (ар. Асэр) 1997 19 Нап Раян Маэ  1997 20 Нап Эвангеляс Андрэю (ар. АЭЛ) 2002 21 Аб Яніс Масурас  1996 22 Нап Муамэр Танкавіч  1995 23 Бр Фрэнсіс Узога  1998

№ Пазыцыя Імя Год нараджэньня 24 Аб Амін Камас  1999 27 Аб Стэфан Сіміч  1995 30 Аб Ніколяс Панаёту  2000 31 ПА Яніс Кусуляс  (капітан) 1996 33 ПА Матэвуш Мусялоўскі  2003 40 Бр Фабіяну Фрэйтас  1988 44 ПА Новіца Еракавіч  1999 74 ПА Панаётыс Андрэў  2006 75 Нап Ляізас Ляізу  2003 78 Бр Пантэліс Міхаіл 2005 85 Нап Ангеляс Нэафыту 2005 87 Нап Кэртыс Мунгаджы 2007 90 Аб Хрыстас Канстантынідыс 2008 91 Нап Канстантынас Панагі 2007 98 Бр Харалямпас Кірыякідыс  1998