Анатоль Макараў

Анато́ль Мака́раў (нар. 10 красавіка 1996 году) — беларускі футбаліст, паўабаронца расейскага клюбу «Ротар».

Анатоль Макараў
Пэрсанальная інфармацыя
Нарадзіўся	10 красавіка 1996(1996-04-10)[1] (29 гадоў) Ратамка, Ждановіцкі сельсавет, Менскі раён, Менская вобласьць, Беларусь[1]
Рост	183 см[2]
Вага	68 кг[2]
Пазыцыя	паўабаронца
Клюбная інфармацыя
Клюб	Ротар Валгаград
Клюбы
Гады	Клюб	Гульні (галы)¹
2014—2018	Тарпэда-БелАЗ	0 (0)
2018	→ Слонім-2017	26 (3)
2019—2020	Смалявічы	53 (8)
2021—2023	Тарпэда-БелАЗ	41 (0)
2023—2024	Арсэнал Тула	31 (2)
2024—2025	Сочы	14 (0)
2025—4	Ротар Валгаград

Кар’ера

Выхаванец жодзінскага «Тарпэда-БелАЗ». З 2013 году гуляў за клюбны дубль, дзе з часам замацаваўся ў складзе. У 2015 годзе зрэдку трапляў у заяўку асноўнай каманды, але на пляцоўку не выходзіў. У лютым 2018 году поруч з братам Сьцяпанам на правах арэнды далучыўся да «Слоніма-2017», дзе неўзабаве стаў адным з асноўных гульцоў.

У лютым 2019 году далучыўся да «Смалявічаў». У новай камандзе футбаліст быў гульцом пачатковага складу і дапамог камандзе прабіцца ў Найвышэйшую лігу. У 2020 годзе заставаўся асноўным гульцом каманды ў Найвышэйшай лізе, аднак ня здолеў выратаваць «Смалявічы» ад вылету. У сьнежні 2020 году па заканчэньні кантракту пакінуў клюб^[3]. У студзені 2021 году вярнуўся ў «Тарпэда-БелАЗ»^[4]. У сэзоне 2021 году пераважна выходзіў на замену, у 2022 годзе пачаў часьцей зьяўляцца ў стартавым складзе каманды. У пачатку 2023 году заставаўся на лаўцы запасных, а пасьля забароны Міністэрства спорту і турызму быў выключаны з заяўкі клюбу і ня браў удзелу ў афіцыйных матчах.

У ліпені 2023 году падпісаў кантракт з расейскім «Арсэналам»^[5], але праз год пакінуў клюб^[6]. Неўзабаве стаў гульцом клюбу «Сочы»^[7]. Перад пачаткам сэзону 2025—2026 гадоў зьмяніў «Сочы» на «Ротар»^[8].