Слонім-2017 (футбольны клюб)

«Слонім-2017» — беларускі футбольны клюб з гораду Слоніму. Заснаваны ў 2009 годзе. З 2013 году выступае ў Першай лізе чэмпіянату Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Слонім (неадназначнасьць).

Слонім-2017
Заснаваны	2009
Горад	Слонім, Беларусь
Стадыён	Юнацтва Умяшчальнасьць: 2220
Дырэктар	Сяргей Салдаценка
Чэмпіянат	Першая ліга
· 2024	16 месца
Афіцыйны сайт

Гісторыя

У 2012 годзе «Белтрансгаз» заняў другое месца ў Другой лізе і атрымаў права выступаць у 2013 годзе ў Першай лізе. Пад назвай «Слонім» каманда пачала выступаць з 2013 году, калі да слонімскага «Белтрансгазу» быў далучаны слонімскі «Камунальнік». Амаль увесь сэзон 2013 году дружына правяла ўнізе табліцы. «Слонім» 13 разоў згуляў унічыю — болей за ўсіх у чэмпіянаце. Толькі пад сканчэньне турніру дружына стала трывала набіраць пункты, але ўзьняцца вышэй за канкурэнтаў ня здолела. У выніку — 13 месца. Перад сэзонам 2014 году з каманды сышлі амаль усе асноўныя гульцы. Замест іх склад «Слоніма» папоўнілі мясцовыя футбалісты, а таксама гульцы, якія апынуліся незапатрабаванымі ў сваіх клюбах. У выніку «Слонім» амаль адразу апынуўся ў канцы табліцы, дзе доўгі час змагаўся зь пінскай «Хваляй» за захаваньне месца ў Першай лізе. Увосень 2014 году «Слонім» выступаў пасьпяхова, што дазволіла камандзе за некалькі тураў да фінішу выратавацца ад вылету ў Другую лігу, але вышэй 15 месца ўзьняцца яна гэтак і ня здолела. У сэзоне 2015 году «Слонім» здолеў умацавацца шэрагам дасьведчаных гульцоў, дзякуючы чаму скончыў сэзон на 9 месцы, аднак у наступным сэзоне апусьціўся на 11 радок.

Перад сэзонам 2017 году назва клюбу зьмененая на «Слонім-2017»^[1]. Пад кіраўніцтвам новага трэнэра слонімскі клюб пасьпяхова пачаў сэзон 2017 году. Атрымаўшы некалькі перамог над фаварытамі, каманда скончыла першую палову сэзону на трэцім месцы. Аднак, у жніўні 2017 году Вячаслаў Царук пакінуў пасаду галоўнага трэнэра «Слоніма-2017», і другую палову чэмпіянату клюб правёў значна горш, апусьціўшыся на выніковае 11 месца. Сэзон 2018 году каманда правяла роўна, знаходзячыся ў сярэдзіне табліцы, і ў выніку скончыла сэзон на сёмым месцы. Першая палова сэзона 2019 году атрымалася для слонімскай каманды няўдалай, добра была распачатая другая палова чэмпіянату, аднак хутка вынікі зноў пагоршыліся. У выніку «Слонім-2017» стаў трынаццатым. У 2020 годзе слонімская каманда амаль увесь час ішла ў сярэдзіне табліцы і скончыла сэзон восьмай. У 2021 годзе ў камандзе гулялі пераважна маладыя футбалісты, многія зь якіх былі ўзятыя ў арэнду ў іншых клюбах. Няблага пачаўшы сэзон, каманда неўзабаве апусьцілася ўніз, а пасьля апынулася на апошнім 12 радку, дзе засталася да заканчэньня турніру. Праз плянаванае пашырэньне лігі, аднак, апошняя каманда не выбывала ў Другую лігу, і «Слонім-2017» застаўся ў Першай лізе.

У пачатку 2022 году новым галоўным трэнэрам стаў Ігар Латаш. Каманда дрэнна пачала чэмпіянат і доўгі час ішла на апошнім радку, аднак у другой палове сэзону вынікі палепшыліся, і ў выніку «Слонім-2017» фінішаваў 11 месцы пры 13 удзельніках. У верасьні 2023 году быў звольнены галоўны трэнэр Ігар Латаш, каманду ў якасьці выканаўцы абавязкаў галоўнага трэнэра прыняў ягоны памочнік Георгі Татарашвілі^[2], аднак гэта толькі часова дапамагло выправіць вынікі. Каманда скончыла сэзон на 15-м месцы пры 17 удзельніках.

Склад

Актуальны на 6 красавіка 2025 году

№ Пазыцыя Імя Год нараджэньня 4 Аб Віталь Пара 2004 5 Аб Дзьмітры Вячорка 2001 6 Нап Ягор Пятроў 2004 7 ПА Іван Сёмін 2002 8 ПА Раман Мушулаў 2005 9 Аб Дзяніс Куцко 1983 10 Аб Яўген Машагін 2000 11 ПА Іван Фурманаў 2006 13 Аб Ягор Кудзінаў  2000 15 ПА Максім Клунок 2000 16 Бр Яўген Юрын 2004

№ Пазыцыя Імя Год нараджэньня 17 Аб Уладзімер Дзіёў 2004 21 ПА Вільгельм Берг 2001 22 Нап Саслан Дзарасаў 2004 28 Аб Аляксандар Чыж  2002 29 Нап Віктар Берг 1994 33 Аб Кірыл Крутарожкін 2000 37 Аб Аляксандар Турук 1996 44 Бр Андрэй Агапаў (капітан) 1998 77 Нап Вячаслаў Папава 2003 91 Аб Віталь Шалычаў 2001 — Аб Эбука Нэджы 2003

Статыстыка

Сэзон	Ліга	Месца	Г	В	Н	П	РМ	Пкт	Кубак
2012	Другая	2 ▲	36	24	6	6	95–35	78	1/8
2013	Першая	13	30	7	13	10	38–45	34	1/16
2014	Першая	15	30	6	12	12	32–50	30	1/32
2015	Першая	9	30	13	2	15	41–55	41	1/16
2016	Першая	11	26	6	6	14	36–49	24	1/16
2017	Першая	11	30	10	7	13	33–46	37	1/16
2018	Першая	7	28	9	9	10	37–37	36	1/16
2019	Першая	13	28	4	9	15	18–47	21	1/16
2020	Першая	8	26	8	6	12	22–32	30	1/16
2021	Першая	12	33	3	7	23	27–62	16	1/32
2022	Першая	11	24	5	3	16	24–53	18	1/32
2023	Першая	15	32	5	7	20	26–63	22	1/16

Галоўныя трэнэры

• Леанід Лагун (зь лютага 2019 году)^[3]
• Алег Кароль (жнівень 2017 году — студзень 2019 году)^[4][5]
• Аляксандар Кадоўбік (в. а. у жніўні 2017 году)^[6]
• Вячаслаў Царук (студзень — жнівень 2017 году)^[7]
• Аляксей Шубянок (да 2016 году)