Андрэй ІІ Іванавіч

Андрэй Іванавіч, Андрэй ІІ (?—1 чэрвеня 1223) — князь тураўскі (1195—1 чэрвеня 1223). Быў сынам Івана Юр’евіча, ўнукам Юрыя Яраславіча. Быў жанаты на дачцы Мсьціслава Раманавіча Старога, вялікага князя кіеўскага (1214—1223).

Андрэй Іванавіч Андрэй ІІ
Князь тураўскі
1195 — 1223
Папярэднік	Глеб Юр’евіч
Наступнік	Уладзімер Сьвятаполкавіч
Асабістыя зьвесткі
Нарадзіўся	невядома
Памёр	1 чэрвеня 1223, каля ракі Калка
Нашчадкі	Юры
Дынастыя	Ізяславічы
Жонка	дачка кіеўскага князя Мсьціслава Раманавіча Старога
Бацька	Іван Юр’евіч

Разам са стрыечнымі братамі янавіцкім князем Сьвятаславам Яраславічам, дубровіцкім князем Аляксандрам Глебавічам, нясьвіскім князем Юрыем Яраполчычам, а таксама цесьцем, кіеўскім князем Мсьціславам Раманавічам Старым, удзельнічаў у бітве на рацэ Калке, дзе ўсе яны памёрлі. Падчас бітвы Андрэй знаходзіўся ва ўмацаваным лягеры на правым беразе ракі й патрапіў у палон разам з Аляксандрам Глебавічам і Мсьціславам Раманавічам Старым. 1 чэрвеня 1223 году быў раздушаны дошкамі, на якіх селі баляваць манголы. Пераемнікам Андрэя на тураўскім княжаньні стаў Уладзімер Сьвятаполкавіч.

Нашчадкі

• Юры — князь Тураўскі.