Юры Яраполчыч

Юры Яраполчыч (? — 1 чэрвеня 1223) — князь нясьвіскі (каля 1190 — 1 чэрвеня 1223). Быў сынам Яраполка Юр’евіча, унукам Юрыя Яраславіча.

Юры Яраполчыч Юры
Князь нясьвіскі
каля 1190 — 1223
Папярэднік	Яраполк Юр’евіч
Наступнік	невядомы
Асабістыя зьвесткі
Нарадзіўся	XII стагодзьдзе
Памёр	1 чэрвеня 1223, каля ракі Калка
Нашчадкі	магчыма Яраслаў
Дынастыя	Ізяславічы
Бацька	Яраполк Юр’евіч

Разам са стрыечнымі братамі тураўскім князем Андрэем Іванавічам, янавіцкім князем Сьвятаславам Яраславічам, дубровіцкім князем Аляксандрам Глебавічам, а таксама магчымым сынам Яраславам Юр’евічам, удзельнічаў у бітве на рацэ Калцы, дзе ўсе яны памёрлі. Падчас бітвы Юры патрапіў у палон разам з Андрэем Іванавічам, Аляксандрам Глебавічам і вялікім кіеўскім князем Мсьціславам Раманавічам Старым. 1 чэрвеня 1223 году быў раздушаны дошкамі, на якіх селі баляваць манголы.

Нашчадкі

• магчыма Яраслаў — негаворскі князь, які таксама ўдзельнічаў і памёр у бітве на рацэ Калцы.