Андрэй Дзенісюк

Андрэ́й Дзенісю́к (нар. 26 сакавіка 2005 году) — беларускі футбаліст, паўабаронца «Менску».

Андрэй Дзенісюк
Пэрсанальная інфармацыя
Нарадзіўся	26 сакавіка 2005(2005-03-26)[1] (20 гадоў) Лелікава, Дзівінскі сельсавет, Кобрынскі раён, Берасьцейская вобласьць, Беларусь[2]
Пазыцыя	нападнік
Клюбная інфармацыя
Клюб	Менск
Нумар	49
Клюбы
Гады	Клюб	Гульні (галы)¹
2023—2024	Шахцёр Салігорск	28 (2)
2023—2024	→ Шахцёр Петрыкаў	33 (5)
2025—4	Менск	14 (3)
Зборныя
2025—4	Беларусь (да 21)	2 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 чэрвеня 2025.

Кар’ера

Клюбная

Выхаванец футбольнай акадэміі салігорскага «Шахцёра». У сакавіку 2023 году далучыўся да петрыкаўскага «Шахцёра» згодна з арэндным пагадненьнем. Дэбютаваў у клюбе 2 красавіка ў матчы супраць койданаўскага «Арсэналу», зьявіўшыся ў пачатковым складзе. У наступым матчы, які ладзіўся 8 красавіка супраць гомельскага «Лякаматыва», адзначыўся голам. Цягам сэзону быў адным з ключавых футбалістаў каманды, зарабіўшы на свой рахунак 5 галоў і 6 асыстэнцкіх пунктаў. Клюб, аднак, выступіў няўдала, бо фінішаваў на перадапошнім месцы. Па сэзоне вярнуўся ў Салігорск, дзе пачаў рыхтавацца з асноўнай камандай да новага сэзону^[3]. Дзенісюк запачаткаваў кар’еру ў кашулі салігорскага клюбу 3 сакавіка 2024 году ў чвэрцьфінальным матчы Кубка Беларусі супраць жодзінскага «Тарпэда-БелАЗ», зьявіўшыся на пляцоўцы ў другім тайме^[4]. Дэбют у Найвышэйшай лізе прыпаў на 17 сакавіка ў матчы супраць «Віцебску». У сакавіку 2025 году ўзмоцніў шыхты сталічнага «Менску»^[5].

Міжнародная

У лютым 2022 году футбаліст атрымаў выклік у зборную Беларусі (да 17 гадоў) дзеля ўдзелу ў Кубку Разьвіцьця. Дэбютаваў за зборную 6 лютага 2022 году ў матчы супраць зборнай Узбэкістану. Паводле вынікаў турніру футбаліст разам з дружынай здабыў бронзавыя мэдалі^[6].