Андрэй Леўкавец

Андрэ́й Мікалаевіч Леўкаве́ц (нар. 7 траўня 1996) — беларускі футбаліст, паўабаронца «Смаргоні».

Андрэй Леўкавец
Пэрсанальная інфармацыя
Нарадзіўся	7 траўня 1996(1996-05-07)[1] (29 гадоў) Салігорск, Менская вобласьць, Беларусь[1]
Рост	182 см
Пазыцыя	паўабаронца
Клюбная інфармацыя
Клюб	Смаргонь
Нумар	7
Клюбы
Гады	Клюб	Гульні (галы)¹
2016—2017	Смалявічы	33 (2)
2018	Баранавічы	23 (1)
2019—2020	Мікашэвічы	45 (6)
2021	Крумкачы	33 (4)
2022	Худжанд[d]	9 (0)
2022	Менск	15 (1)
2023—2024	Арсэнал Койданаў	43 (13)
2024—4	Смаргонь	27 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Выхаванец салігорскага «Шахцёру», дзе выступаў за дубль. Улетку 2016 году перайшоў да складу «Смалявічы-СТІ», якому паводле вынікаў сэзону 2017 году дапамог выйсьці ў Найвышэйшую лігу. У студзені 2018 году падпісаў кантракт з «Баранавічамі»^[2], дзе замацаваўся ў стартавым складзе.

У лютым 2019 году перайшоў у мікашэвіцкі «Граніт»^[3], гуляў там на працягу двух гадоў. У лютым 2021 году выправіўся на прагляд у сталічныя «Крумкачы» і неўзабаве склаў працоўнае пагадненьне^[4]. Быў асноўным гульцом каманды.

У студзені 2022 году праходзіў прагляд у гарадзенскім «Нёмане», а неўзабаве падпісаў кантракт з таджыцкім «Худжандам»^[5]. У жніўні 2022 году перайшоў у «Менск»^[6]. Дэбютаваў у Найвышэйшай лізе 7 жніўня 2022 году ў матчы супраць менскага «Дынама» (1:3), калі выйшаў у першай адзінаццатцы і быў заменены ў другім тайме. У далейшым замацаваўся ў пачатковым складзе каманды. У сьнежні 2022 году па заканчэньні кантракту пакінуў «Менск»^[7].

У пачатку 2023 году праходзіў прагляд у «Гомлі», бабруйскай «Белшыне» і прысталічнай «Іслачы», а ў сакавіку быў гульцом койданаўскага «Арсэналу»^[8]. Паводле вынікаў сэзону 2023 году з 13 галамі стаў адным з найлепшых бамбардзіраў каманды, чым дапамог «Арсэналу» вярнуцца ў Найвышэйшую лігу. У студзені 2024 году падоўжыў кантракт з клюбам^[9], але ў ліпені пакінуў каманду^[10] ды неўзабаве далучыўся да «Смаргоні»^[11]. У клюбе з Гарадзенскай вобласьці стаў футбалістам асноўнага складу.