Андрэй Масальскі

Андрэй Масальскі (? — 1651) — дзяржаўны дзяяч Вялікага Княства Літоўскага. Кашталян берасьцейскі (1627—1643), ваявода менскі (1643—1645) і берасьцейскі (з 1645)^[3].

Андрэй Масальскі

Герб «Масальскі»
Асабістыя зьвесткі
Нарадзіўся	1651
Памёр	1651[1][2]
Род	Масальскія
Бацькі	Фёдар Масальскі Багдана з Лукомскіх
Жонка	Альжбета з Вэйгераў Крыстына з Тышкевічаў
Дзеці	ад 1-га шлюбу: Станіслаў, Ізабэла ад 2-га шлюбу: Казімер, Марцыбэла

Біяграфія

З алекшыцкай лініі княскага роду Масальскіх гербу ўласнага, сын Фёдара, маршалка гарадзенскага, і князёўны Багданы з Лукомскіх.

У 1618 атрымаў урад маршалка гарадзенскага, у сакавіку 1643 — ваяводы менскага (займаў гэтую пасаду да 13 студзеня 1645, калі паступіў на ваяводу берасьцейскага).

Першы раз ажаніўся з Альжбетай, дачкой ваяводы холмскага Яна Вэйгера, другі — з Крыстынай, дачкой ваяводы кіеўскага Януша Тышкевіча. У першым шлюбе меў сына Станіслава і дачку Ізабэлу, у другім — сына Казімера і дачку Марцыбэлу.