Андрэй Садавы

Андрэ́й Іва́навіч Садавы́ (па-ўкраінску: Андрій Садовий) — украінскі палітык, грамадзкі дзяяч і прадпрымальнік. Мэр Львову з 25 красавіка 2006 году і заснавальнік грамадзкай арганізацыі Самапомач, чалец партыі Самапомач. Сузаснавальнік прыватнай кампаніі ТРК Люкс. Садавы быў кандыдатам на выбарах прэзыдэнта Ўкраіны ў 2019 годзе, аднак, пазьней зьняўся з выбараў^[1].

Андрэй Садавы лац. Andrej Sadavy
па-ўкраінску: Андрій Іванович Садовий
мэр Львову[d]
з 25 красавіка 2006
Асабістыя зьвесткі
Нарадзіўся	19 жніўня 1968(1968-08-19) (57 гадоў) Львоў, УССР, СССР
Партыя	Самапомач[d]
Адукацыя	Львоўская палітэхніка (1995) Нацыянальная акадэмія дзяржаўнага кіраваньня пры прэзыдэнце Ўкраіны[d] (1999)
Сужэнец	Кацярына Кіт-Садовая[d]
Сайт	city-adm.lviv.ua/lmr/pro…

Біяграфія

Нарадзіўся ў Львове, дзе скончыў школу і паступіў у Львоўскі тэхнікум радыёэлектронікі. Праходзіў вайсковую службу ў савецкім войску. Пасьля скончыў Львоўскую палітэхніку. Празь некалькі гадоў перакваліфікаваўся ў эканаміста і дзяржаўнага службоўца. З 1997 году пачаў займацца грамадзкай дзейнасьцю. Займаў пасаду дэпутата ў львоўскай мясцовай радзе з 1998 па 2002 гады. У 2006 годзе быў абраны на пасаду мэра гораду. 27 лютага 2014 году паведамлялася, што Андрэй Садавы адмовіўся ад пасады віцэ-прэм’ера ва ўрадзе Арсеня Яцанюка. Ён патлумачыў гэта жаданьнем заставацца мэрам Львова^[2]. На наступны дзень Андрэй Садавы заявіў, што партыя Самопомач будзе ўдзельнічаць у датэрміновых парлямэнцкіх выбарах^[3].