Прэзыдэнцкія выбары ва Ўкраіне 2019 году

Прэзыдэнцкія выбары ва Ўкраіне 2019 году — чарговыя прэзыдэнцкія выбары ва Ўкраіне, першы тур якіх адбыўся 31 сакавіка 2019 року^[1]. Дзяржаўны скарб Украіны выдзяліў на правядзеньне выбараў 2,4 млрд грыўняў.

← 2014   2025 →
Прэзыдэнцкія выбары ва Ўкраіне 2019
31 сакавіка 2019 г. (1-ы тур) 21 красавіка 2019 г. (2-і тур)
Кандыдат	Уладзімер Зяленскі	Пятро Парашэнка
Партыя	Слуга народу	беспартыйны
Галасоў выбаршчыкаў	13 541 528	4 522 450
Адсотак	73,22	24,45
Вынікі другога туру па акругах:      Уладзімер Зяленскі      Пятро Парашэнка      Выбары не адбыліся ў сувязі з вайною на Данбасе й анэксіяю Крыму

Вынікі першага туру па акругах:

     Уладзімер Зяленскі

     Пятро Парашэнка

     Юлія Цімашэнка

     Юры Бойка

     Выбары не адбыліся ў сувязі з вайною на Данбасе й анэксіяю Крыму

Арыентаваная колькасьць выбарцаў, якія мелі права голасу на прэзыдэнцкіх выбарах 2019, складае 30,2 млн асобаў, колькасьць выбарцаў, унесеных у сьпіс выбарцаў на момант сканчэньня галасаваньня — 29 621 197 чалавек, колькасьць выбарчых дзялянкаў — 29 989^[2].

Па выніках першага туру да другога туру выйшлі Ўладзімер Зяленскі ды Пятро Парашэнка.

7 красавіка 2019 року ЦВК афіцыйна абвясьціла вынікі першага туру прэзыдэнцкіх выбараў: Зяленскі — 30,24% голасаў, Парашэнка — 15,95%^[3].

21 красавіка 2019 року адбыўся другі тур выбараў Прэзыдэнта Ўкраіны. Па выніках Нацыянальнага экзыт-полу па стане на 18:00, пераможцам стаў Уладзімер Зяленскі з 73,22% галасоў, у той час як чынны Прэзыдэнт Украіны Пятро Парашэнка атрымаў 24,45%^[4].

Выбары Прэзыдэнта Ўкраіны абыйшліся дзяржбюджэту ў 2,4 млрд грывень^[5][6][7][8].

Выбары кіраўніка краіны

Прыняць удзел у выбарах могуць толькі грамадзяне Ўкраіны, якія дасягнулі ўзросту 18 гадоў. Выбары могуць прайсьці толькі ў выхадны дзень, у апошнюю нядзелю сакавіка. Выбары праходзяць раз у пяць гадоў. Вярхоўная Рада Ўкраіны прызначае выбары кіраўніка краіны за 100 дзён да выбараў. 26 лістапада 2018 году Вярхоўная рада прызначыла выбары на 31 сакавіка 2019 году. Выбары павінныя былі прайсьці на ўсім абшары краіны, але з-за вайны з Расеяй частка Ўкраіны захоплена (Крым, частка Луганскай і Данецкай вобласьцяў), і там ня будзе магчымасьці правесьці выбары.

Умовы для кандыдатаў

Удзельнік на выбарах прэзыдэнта Ўкраіны павінен:

• мець грамадзянства Ўкраіны
• дасягнуць узросту 35 гадоў
• пражываць ва Ўкраіне 10 гадоў да выбараў
• абвясьціць аб сваіх даходах і маёмасьці, і ягоная заява аб даходах і маёмасьці павінная быць правераная службаю па пытаньнях барацьбы з карупцыяю.

Удзельнік выбараў на пасаду прэзыдэнта краіны павінен заявіць аб сваім удзеле паміж 31 сьнежня 2018 году і 4 лютага 2019 году. Удзельнік можа быць самавылучэнцам або ісьці на выбары ад партыі. Адмовіцца ад удзелу ў выбарах можна за 23 дні да выбараў. На 1 лютага 2019 году 28 чалавек заявілі аб сваім удзеле ў выбарах. Гэта самая вялікая колькасьць удзельнікаў у выбарах кіраўніка краіны за ўвесь час іх правядзеньня. Удзельнік выбараў павінен закласьці 2,5 млн грыўняў грашыма ў ЦВК. Заклад вяртаюць у двух выпадках:

• удзельнік перамог у выбарах
• выбыў з выбараў да другога туру.

Паўторнае галасаваньне (другі тур) можа быць у выпадку адсутнасьці ўдзельніка, што набраў бы больш за палову галасоў. Другі тур павінен тады прайсьці 21 красавіка 2019 году. Удзельнік у выбарах можа мець рахунак грыўняў для расходаў на правядзеньне выбарчае дзейнасьці.

Вынікі выбараў

Адсоткі голасаў за кандыдатаў:

     Уладзімер Зяленскі (30.24%)

     Пятро Парашэнка (15.95%)

     Юлія Цімашэнка (13.40%)

     Юры Бойка (11.67%)

     Анатоль Грыцэнка (6.91%)

     Ігар Сьмяшко (6.04%)

     Алег Ляшко (5.48%)

     Аляксандар Вілкул (4.15%)

     Руслан Кашулінскі (1.62%)

     Іншае (4.54%)

У першым туры паводле ЦВК прагаласавала 34 544 993 выбарцаў. Колькасць бюлетэняў, прызнаных несапраўднымі, складае 1,18%. Найбольшую колькасьць галасоў атрымаў Уладзімер Зяленскі — 30,24% галасоў выбарцаў, на другім мейсцы дзейны Прэзыдэнт Пятро Парашэнка — 15,95%, адпаведна менавіта яны выходзяць у другі тур выбараў.

Лідэры па вобласьцях І тур

Кандыдат	Партыя	Першы тур
		Галасоў	%
Уладзімер Зяленскі	Слуга народу	5 507 715	30,22
Пятро Парашэнка	самавылучэньне	2 903 579	15,93
Юлія Цімашэнка	Бацькаўшчына	2 441 102	13,39
Юры Бойка	самавылучэньне	2 118 739	11,62
Анатоль Грыцэнка	Грамадзянская пазыцыя	1 264 681	6,94
Ігар Сьмяшко	самавылучэньне	1 100 601	6,04
Алег Ляшко	Радыкальная партыя Алега Ляшко	998 519	5,48
Аляксандар Вілкул	Апазыцыйны блёк — Партыя міру і розьвітку	760 850	4,17
Руслан Кашулінскі	УА Свабода	297 963	1,63
Юры Цімашэнка	самавылучэньне	113 739	0,63
Аляксандар Шаўчэнка	УКРОП	105 232	0,57
Валянцін Налівайчанка	Грамадска-палітычны рух «Справядлівасьць»	41 752	0,22
Вольга Багамолец	самавылучэньне	32 699	0,17
Генадзь Балашоў	5.10	31 592	0,17
Раман Бясьсьмертны	самавылучэньне	26 286	0,14
Віктар Бондар	Адраджэньне	21 839	0,11
Юлія Літвіненка	самавылучэньне	19 855	0,10
Юры Дзеравянка	Воля	18 889	0,10
Сяргей Тарута	Аснова	18 873	0,10
Іна Багаслоўская	самавылучэньне	18 083	0,09
Ігар Шаўчэнка	самавылучэньне	17 984	0,09
Уладзімер Пятроў	самавылучэньне	15 410	0,08
Юры Кармазін	самавылучэньне	15 385	0,08
Віталь Скоцык	самавылучэньне	14 838	0,08
Сяргей Каплін	Сацыял-дэмакратычная партыя	14 762	0,08
Аляксандар Мароз	Сацыялістычная партыя Аляксандра Мароза	12 954	0,07
Васіль Жураўлёў	«Стабільнасьць»	9 319	0,05
Віктар Крывенка	Народны Рух Украіны	8 980	0,04
Ільля Ківа	Сацыялістычная партыя Ўкраіны	5 659	0,03
Мікалай Габер	самавылучэньне	5 604	0,03
Аляксандар Вашчанка	самавылучэньне	5 554	0,03
Руслан Рыгаванаў	самавылучэньне	5 393	0,02
Андрэй Новак	Патрыёт	5 385	0,03
Аляксандар Салаўёў	Разумная сіла	5 150	0,02
Аляксандар Данілюк	самавылучэньне	4 494	0,02
Віталь Купры	самавылучэньне	4 355	0,02
Аркадзь Карнацкі	самавылучэньне	4 339	0,02
Сяргей Насенка	самавылучэньне	3 108	0,01
Раман Насіраў	самавылучэньне	2 496	0,01
Несапраўдных бюлетэняў			1,18
Усяго			100
Яўка выбарцаў		34 544 993	63,5
Крыніца: ЦВК Украіны

Падтрымка лідэраў па вобласьцях у першым туры

Падтрымка лідэраў (атрымалі больш за 10% галасоў выбарцаў) па вобласьцях ў цэлым разьмеркавалася нераўнамерна. Уладзімер Зяленскі найбольшы адсотак атрымаў у паўднёва-ўсходніх вобласьцях (за вылучэньнем Данбасу) ды ў Закарпацьці, менш за дадзенага кандыдата прагаласавалі выбарцы ў Галічыне (Львоўская, Тарнопальская, Івана-Франкоўская вобласьці). Пятро Парашэнка атрымаў больш за ўсё галасоў у галіцкіх вобласьцях, Кіеве, а таксама ў Ровенскай і Віньніцкай вобласьцях. Адпаведна, у паўднёва-ўсходніх вобласьцях адсотак падтрымкі Парашэнкі найніжэйшы (за вылучэньнем часткі Данбасу ды Хэрсонскае вобласьці). Юлія Цімашэнка істотную перавагу атрымала толькі ў Івана-Франкоўскай вобласьці, а найменшы адсотак падтрымкі ў яе на Данеччыне, дзе бясспрэчным лідэрам стаў Юры Бойка.

↑ Уладзімер Зяленскі (30.24%)		↑ Пятро Парашэнка (15.95%)
↑ Юлія Цімашэнка (13.40%)		↑ Юры Бойка (11.67%)

Другі тур

Суадношаньне вынікаў па колькасьці галасоў

Вынікі паўторнага галасаваньня ЦВК абвясьціла 30 красавіка 2019 року.

Кандыдат	% галасоў	колькасьць галасоў
Уладзімер Зяленскі	73,22	13 541 528
Пятро Парашэнка	24,45	4 522 450
вызнаныя несапраўднымі	2,31	427 841
Усяго	100	18 491 837
Яўка / усяго выбарцаў	61,42	30 105 004[9]

Статыстычныя зьвесткі

Старшыня ЦВК Тэцяна Сьліпачук заявіла, што заявы пра рэґістрацыю кандыдатамі ў прэзыдэнты Ўкраіны на выбарах 2019 падало ў два разы больш асобаў, ніж на выбарах 2014 року. Прэзыдэнцкія выбары 2019 сталі рэкорднымі па колькасьці кандыдатаў у прэзыдэнты, да гэтага рэкордным быў 2004 рок, калі за прэзыдэнцкае крэсла змагаліся 26 асобаў^[10][11].

• Колькасьць зарэґістраваных кандыдатаў: 39, зь якіх 35 мужчынаў і 4 жанчыны;
• Партыйнасьць: вылучэнцы ад партыі — 19 кандыдатаў, 20 — самавылучэнцы, 18 не ўваходзяць у склад хоць якое палітычнае сілы;
• Мейсца працы: 14 кандыдатаў ёсьць народнымі дэпутатамі, толькі 2 кандыдаты (Літвіненка і Новак) ёсьць беспрацоўнымі, а мейсца працы Рамана Насірава не пазначанае^[12].

ЦВК зарэґістравала рэкордную колькасьць сродкаў масавае інфармацыі, якія падалі дакумэнты на акрэдытацыю для асьвятленьня выбарчага працэсу (у агульнай колькасьці — 19 ЗМІ, зь іх 12 замежных, 7 айчынных).^[13]

Кандыдаты

Фота	Імя	Суб’ект вылучэньня	Мейсца працы, пасада, партыйнасьць, мейсца жыхарства	Дата рэґістрацыі
	Генадзь Балашоў Зьвесткі пра кандыдата	5.10	фізычная асоба — прадпрымальнік, чалец палітычнае партыі «5.10», пражывае ў Кіеве	18 студзеня 2019
	Раман Бясьсьмертны Зьвесткі пра кандыдата	самавылучэньне	дацэнт катэдры міжнародных адносінаў Кіеўскага нацыянальнага ўнівэрсытэту культуры й мастацтваў, беспартыйны, пражывае ў Кіеве	4 лютага 2019
	Вольга Багамолец Зьвесткі пра кандыдата	самавылучэньне	народны дэпутат Украіны, старшыня Камітэту Вярхоўнае Рады Ўкраіны па пытаньнях аховы здароўя, беспартыйная, пражывае ў Кіеве	18 студзеня 2019
	Іна Багаслоўская Зьвесткі пра кандыдата	самавылучэньне	дырэктар Усеўкраінскае грамадзкае арґанізацыі «Веча Ўкраіны», беспартыйная, пражывае ў Харкаве	30 студзеня 2019
	Юры Бойка Зьвесткі пра кандыдата	самавылучэньне	народны дэпутат Украіны, чалец палітычнае партыі «Апазыцыйны блёк», пражывае ў Рубежным Луганскае вобласьці	22 студзеня 2019
	Віктар Бондар Зьвесткі пра кандыдата	«Адраджэньне»	народны дэпутат Украіны, чалец палітычнае партыі «Адраджэньне», пражывае ў мястэчку Гастомэль места Ірпінь Кіеўскае вобласьці	4 лютага 2019
	Аляксандар Вашчанка Зьвесткі пра кандыдата	самавылучэньне	старшыня кіраваньня грамадзкае арґанізацыі «Ўлада народу», беспартыйны, пражывае ў Кіеве	7 лютага 2019
	Аляксандар Вілкул Зьвесткі пра кандыдата	Апазыцыйны блёк — Партыя міру і розьвітку	народны дэпутат Украіны, намесьнік Старшыні дэпутацкае фракцыі палітычнае партыі «Апазыцыйны блёк» ў Вярхоўнай Радзе Ўкраіны восьмага скліканьня, чалец палітычнае парты «Апазыцыйны блёк — Партыя міру і розьвітку», пражывае ў Дніпры	25 студзеня 2019
	Мікалай Габер Зьвесткі пра кандыдата	самавылучэньне	старшыня і чалец палітычнае партыі «Патрыятычная партыя Ўкраіны», пражывае ў Кіеве	1 лютага 2019
	Анатоль Грыцэнка Зьвесткі пра кандыдата	Грамадзянская пазыцыя	дацэнт катэдры паліталёґіі Кіева-Магілянскае акадэміі, чалец палітычнае партыі «Грамадзянская пазыцыя», пражывае ў Кіеве	15 студзеня 2019
	Аляксандар Данілюк Зьвесткі пра кандыдата	самавылучэньне	кіраўнік грамадзкае арґанізацыі «Цэнтар абаронных рэформаў», чалец палітычнае партыі «Грамадзянскі рух „Агульная справа“», пражывае ў Кіеве	28 студзеня 2019
	Юры Дзеравянка Зьвесткі пра кандыдата	Воля	народны дэпутат Украіны, чалец палітычнае партыі «Воля», пражывае ў Кіеве	1 лютага 2019
	Васіль Жураўлёў Зьвесткі пра кандыдата	Стабільнасьць	старшыня грамадзкае арґанізацыі «Фэдэрацыя футбола м. Марыюпалю», чалец палітычнае партыі «Стабільнасьць», пражывае ў мястэчку Стары Крым места Марыюпалю Данецкае вобласьці	6 лютага 2019
	Уладзімер Зяленскі Зьвесткі пра кандыдата	Слуга народа	мастацкі кіраўнік Студыя Квартал-95, беспартыйны, пражывае ў Кіеве	30 студзеня 2019
	Сяргей Каплін Зьвесткі пра кандыдата	Сацыял-дэмакратычная партыя	народны дэпутат Украіны, беспартыйны, пражывае ў вёсцы Апрышках Глобынскага раёну Палтаўскае вобласьці	8 студзеня 2019
	Юры Кармазін Зьвесткі пра кандыдата	самавылучэньне	прэзыдэнт грамадзкае арґанізацыі «Інстытут права і грамадзтва», чалец палітычнае партыі «Партыя абаронцаў Айчыны», пражывае ў Кіеве	7 лютага 2019
	Ільля Ківа Зьвесткі пра кандыдата	Сацыялістычная партыя Украіны	старшыня Ўсеўкраінскага прафхаўрусу МУС Украіны, старшыня і чалец палітычнае партыі «Сацыялістычная партыя Украіны», пражывае ў Кіеве	25 студзеня 2019
	Аркадзь Карнацкі Зьвесткі пра кандыдата	самавылучэньне	народны дэпутат Украіны, беспартыйны, пражывае ў вёсцы Чавусава Другое Первамайскага раёну Мікалаеўскае вобласьці	25 студзеня 2019
	Руслан Кашулінскі Зьвесткі пра кандыдата	Усеўкраінскае аб’яднаньне «Свабода»	старшыня сэкрэтарыяту ды чалец палітычнае партыі «Усеўкраінскае аб’яднаньне «Свабода»», пражывае ў Львове	28 студзеня 2019
	Віктар Крывенка Зьвесткі пра кандыдата	Народны Рух Украіны	народны дэпутат Украіны, намесьнік старшыні Камітэту Вярхоўнае Рады Ўкраіны па пытаньнях бюджэту, чалец палітычнае партыі «Народны Рух Украіны», пражывае ў мястэчку Курылаўка Петрыкоўскага раёну Днепрапятроўскае вобласьці	5 лютага 2019
	Віталь Купры Зьвесткі пра кандыдата	самавылучэньне	народны дэпутат Украіны, намесьнік старшыні Камітэту Вярхоўнае Рады Ўкраіны па пытаньнях заканадаўчага забесьпячэньня праваахоўнае дзейнасьці, беспартыйны, пражывае ў Кіеве	15 студзеня 2019
	Юлія Літвіненка Зьвесткі пра кандыдата	самавылучэньне	часова не працуе, беспартыйная, пражывае ў Кіеве	7 лютага 2019
	Алег Ляшко Зьвесткі пра кандыдата	Радыкальная партыя Алега Ляшко	народны дэпутат Украіны, старшыня фракцыі Радыкальнае партыі Алега Ляшко ў Вярхоўнай Радзе Ўкраіны VIII скліканьня, чалец палітычнае партыі «Радыкальная партыя Алега Ляшко», пражывае ў Кіеве	25 студзеня 2019
	Аляксандар Мароз Зьвесткі пра кандыдата	Сацыялістычная партыя Аляксандра Мароза	пэнсыянэр, чалец палітычнае партыі «Сацыялістычная партыя Аляксандра Мароза», пражывае ў Кіеве	25 студзеня 2019
	Валянцін Налівайчанка Зьвесткі пра кандыдата	Грамадзка-палітычны рух Валянціна Налівайчанкі «Справядлівасьць»	старшыня і чалец палітычнае партыі «Грамадзка-палітычны рух Валянціна Налівайчанкі «Справядлівасьць»», пражывае ў Кіеве	8 студзеня 2019
	Раман Насіраў Зьвесткі пра кандыдата	самавылучэньне	прэзыдэнт грамадзкае арґанізацыі «Фэдэрацыя Дзюдо Ўкраіны», беспартыйны, пражывае ў Кіеве	21 студзеня 2019
	Андрэй Новак Зьвесткі пра кандыдата	Патрыёт	часова не працуе, чалец палітычнае партыі «Патрыёт», пражывае ў Каламыі Івана-Франкоўскае вобласьці	6 лютага 2019
	Сяргей Насенка Зьвесткі пра кандыдата	самавылучэньне	старшы кіруючы дырэктар ТАА «Інтернешнл Інвестмент Партнерс Україна», беспартыйны, пражывае ў Кіеве	5 лютага 2019
	Уладзімер Пятроў Зьвесткі пра кандыдата	самавылучэньне	прадусар ТАА «Люмпен Продакшн», беспартыйны, пражывае ў Кіеве	7 лютага 2019
	Пятро Парашэнка Зьвесткі пра кандыдата	самавылучэньне	прэзыдэнт Украіны, беспартыйны, пражывае ў Кіеве	7 лютага 2019
	Руслан Рыгаванаў Зьвесткі пра кандыдата	самавылучэньне	выконваючы абавязкі кіраўніка дзяржаўнага прадпрыемства «Сэвастопальскі марскі рыбны порт», беспартыйны, пражывае ў Горлаўцы Данецкае вобласьці	5 лютага 2019
	Віталь Скоцык Зьвесткі пра кандыдата	самавылучэньне	старшыня грамадзкае арґанізацыі «Аґрарная плятформа Віталь Скоціка», беспартыйны, пражывае ў Кіеве	8 студзеня 2019
	Ігар Сьмяшко Зьвесткі пра кандыдата	самавылучэньне	прафэсар катэдры міжнародных мэдыякамунікацыяў і камунікацыўных тэхналёґіяў Інстытута міжнародных адносінаў КНУ імя Тараса Шаўчэнкі, чалец палітычнае партыі «Сіла і гонар», пражывае ў Кіеве	30 студзеня 2019
	Аляксандар Салаўёў Зьвесткі пра кандыдата	Разумная сіла	намесьнік дырэктара ТАА «Юридична компанія „ФЕБ“», чалец палітычнае партыі «Разумная сіла», пражывае ў Кіеве	8 лютага 2019
	Сяргей Тарута Зьвесткі пра кандыдата	Аснова	народны дэпутат Украіны, чалец палітычнае партыі «Аснова», пражывае ў Марыюпалі	29 студзеня 2019
	Юлія Цімашэнка Зьвесткі пра кандыдата	Усеўкраінскае аб’яднаньне «Бацькаўшчына»	народны дэпутат Украіны, старшыня фракцыі палітычнае партыі «Усеўкраінскае аб’яднаньне „Бацькаўшчына“» у Вярхоўнай Радзе Ўкраіны VIII скліканьня, чалец Камітэту Вярхоўнае Рады Ўкраіны па пытаньнях правоў чалавека, нацыянальных меншасцяў і міжнацыянальных адносін, чалец палітычнае партыі «Усеўкраінскае аб’яднаньне «Бацькаўшчына»», пражывае ў мястэчку Казын Абухаўскага раёну Кіеўскае вобласьці	25 студзеня 2019
	Юры Цімашэнка Зьвесткі пра кандыдата	самавылучэньне	народны дэпутат Украіны, чалец Камітэту Вярхоўнае Рады Ўкраіны па пытаньнях прадухіленьня і супрацьдзеі карупцыі, беспартыйны, пражывае ў Каламыі Івана-Франкоўскае вобласьці	6 лютага 2019
	Ігар Шаўчэнка Зьвесткі пра кандыдата	самавылучэньне	прэзыдэнт дабрачыннае арґанізацыі «Пасьпяховая Ўкраіна», беспартыйны, пражывае ў Кіеве	4 студзеня 2019
	Аляксандар Шаўчэнка Зьвесткі пра кандыдата	УКРОП	народны дэпутат Украіны, чалец палітычнае партыі «УКРОП», пражывае ў вёсцы Паляніца места Ярэмчэ Івана-Франкоўскае вобласьці	21 студзеня 2019

Зьнятыя кандыдатуры

Паводле закону кандыдат у прэзыдэнты можа зьняць з рэґістрацыі сваю кандыдатуру па ўласным жаданьні або з стратаю працаздольнасьці. У сувязі з гэтым не пазьней чым за 23 дні (да 7 сакавіка ўлучна) да дня выбараў ён можа зьвярнуцца ў ЦВК з адпаведнаю заяваю ^[14]. Гэтым правам скарысталіся 5 кандыдатаў:

Фота	Імя	Суб’ект вылучэння	Месца працы, пасада, партыйнасць, месца жыхарства	Дата рэгістрацыі	Дата адмены рэгістрацыі	Кандыдат, на чыю падтрымку зняўся
	Андрэй Садавы Зьвесткі пра кандыдата	Аб’яднаньне «Самадапамога»	Львоўскі мэр, чалец палітычнае партыі Аб’яднаньне «Самадапамога», пражывае ў Львове	8 студзеня 2019	Анатоля Грыцэнка
	Сяргей Крыванос Зьвесткі пра кандыдата	Ваяры АТА	першы намесьнік камандуючага Сіл спецыяльных аперацый Узброеных сіл Украіны, беспартыйны, пражывае ў Кіеве	5 лютага 2019	7 сакавіка 2019	Пятра Парашэнкі
	Дзьмітро Гнап Зьвесткі пра кандыдата	Сіла людзей	фізычная асоба — прадпрымальнік, чалец палітычнае партыі «Сіла людзей», пражывае ў Кіеве	8 лютага 2019	8 сакавіка 2019	Анатоля Грыцэнка
	Дзьмітро Дабрадомаў Зьвесткі пра кандыдата	Грамадзкі рух «Народны кантроль»	народны дэпутат Украіны, сакратар Камітэту Вярхоўнае Рады Ўкраіны па пытаньнях прадухіленьня і супрацьдзеі карупцыі, чалец палітычнае партыі «Грамадзкі рух Народны кантроль», пражывае ў Львове	25 студзеня 2019	8 сакавіка 2019	Анатоля Грыцэнка
	Яўген Мураеў Зьвесткі пра кандыдата	Нашы	народны дэпутат Украіны, чалец палітычнае партыі «Нашы», пражывае ў Харкаве	15 студзеня 2019	8 сакавіка 2019	Аляксандар Вілкул

Адмоўлена ў рэґістрацыі

ЦВК адмовіла ў рэґістрацыі 48 кандыдатам, якія парушылі парадак вылучэньня або іх дакумэнты не адпавядалі нормам заканадаўства.

• Ратуш В. Б.
• Велідчэнка В. І.
• Фаранюк С. Г.
• Васіленка В. Д.
• Баярскі Ю. М.
• Рэкала П. Я.
• Чаркасаз К. Г.
• Лебядзінец В. В.
• Прыданаў А. М.
• Кавальчук А. Г.
• Блашчук В. Ю.
• Патапаў Д. В.
• Гокаў А. П.
• Чапей В. В.
• Цішчанка А. О.
• Андрухаў Я. І.
• Піліпенка Н. І.
• Жамойда А. Л.
• Касьяненка Д. Л.
• Качаноўская Я. П.
• Сіманенка П. М.
• Кастанчук Т. Д.
• Земская Н. В.
• Галан А. Г.
• Кабілінскі М. І.
• Таранец М. С.
• Губенка А. І.
• Касьяненка Б. П.
• Марушчынец В. І.
• Сахно Б. М.
• Ганчароў А. О.
• Украінчук Л. І.
• Качайла І. І.
• Міралюб Н. А.
• Іваніцкі Ю. П.
• Галасны М. І.
• Юрчанка Ю. І.
• Збьіранік Я. М.
• Рачок А. В.
• Сьпірына А. І.
• Сухіх І. А.
• Опра С. О.
• Булах М. Ю.
• Кананенка В. В.
• Алейнік У. М.
• Саўчанка Н. В.
• Паўлічэнка Д. О.
• Сутковы А. М.

Палітычная падтрымка кандыдатаў

Ніжэй прадстаўленыя асобы, што разглядаліся як патэнцыйныя кандыдаты на Прэзыдэнцкіх выбарах Украіны, а таксама лідэры палітычных сілаў і кіраўнікі местаў, якія падтрымалі кандыдатаў на пасаду Прэзыдэнта Ўкраіны на выбарах 2019 року:

• Васіль Гацко — падтрымаў Анатоля Грыцэнка^[15]
• Уладзімер Гройсман — падтрымаў Пятра Парашэнку^[16]
• Міхайла Добкін — падтрымаў Аляксандра Вілкула
• Мікола Катэрынчук — падтрымаў Анатоля Грыцэнка^[17]
• Генадзь Кэрнэс — падтрымаў Пятра Парашэнку^[18]
• Леанід Краўчук — падтрымаў Юлію Цімашэнка^[19]
• Вадзім Навінскі — падтрымаў Аляксандра Вілкула^[20]
• Вадзім Рабіновіч — падтрымаў Юрыя Бойка^[21][22][23]
• Аляксандар Салантай — падтрымаў Анатоля Грыцэнка^[24]
• Мішэль Тарэшчанка^[25][26] — падтрымаў Андрэя Садавога^[27]
• Мікола Тамэнка — падтрымаў Анатоля Грыцэнка^[28][17]
• Генадзь Труханаў — падтрымаў Пятра Парашэнку^[29]
• Алег Цягнібок — падтрымаў Руслана Кашулінскага^[30]
• Ягор Фірсаў — падтрымаў Анатоля Грыцэнка^[31]
• Віктар Чумак — падтрымаў Анатоля Грыцэнка^[32]
• Юры Шухевіч — падтрымаў Пятра Парашэнку^[33]
• Віктар Юшчанка — падтрымаў Пятра Парашэнку^[34]
• Дзьмітры Яраш — падтрымаў Руслана Кашулінскага^[35]
• Мікола Азараў — падтрымаў Юрыя Бойка, Аляксандра Вілкула ды Ўладзімера Зяленскага.^[36]

Падтрымка адным кандыдатам іншага

Глядзіце таксама: § Зьнятыя кандыдатуры

• Сяргей Тарута — 16 сакавіка падтрымаў Юлію Цімашэнка^[37]

Падтрымка кандыдатаў грамадзкімі арґанізацыямі

• Ініцыятыўная група «Першага сьнежня» — падтрымала Пятра Парашэнку^[38]
• Мэджліс крымскататарскага народу — падтрымаў Пятра Парашэнку^[39]
• «Відсіч» — падтрымаў Пятра Парашэнку^[40]
• «Сокал» — падтрымала Руслана Кашулінскага^[41]
• С14 — падтрымала Руслана Кашулінскага^[41]
• АУН, Правы сэктар, Канґрэс украінскіх нацыяналістаў — падтрымалі Руслана Кашулінскага^[41]
• УНА-УНСО — падтрымала Пятра Парашэнку^[42]

Сацыяляґічныя апытаньні

Асноўны артыкул: Прэзыдэнцкія выбары ва Ўкраіне 2019 году (сацыялягічныя апытаньні)

Ґрафік пабудаваны на ґрунце зьвесткаў аўтарытэтных сацыяляґічных кампаніяў (КМІС, Цэнтар Разумкова, Рэйтынґ, Сацыяльны Маніторынґ, GFK Ukraine)

Хада галасаваньня

Яўка выбарцаў

Яўка выбарцаў па вобласьцях (І тур)

Яўка выбарцаў па акругах (І тур)

Па стане на 11 гадзіну яўка выбарцаў па Ўкраіне складала 16,65%, найвышэйшая — у Запарожскай (20,74%) ды Луганскай (20,60%) вобласьцях, найніжэйшая — у Закарпацкай (8,26%) ды Чарнавіцкай (10,43%) вобласьцях.

Па стане на 15 гадзіну яўка складала 45,11%, найвышэйшая — у Запарожскай (49,08%) ды Палтаўскай (48,82%) вобласьцях, найніжэйшая — у Закарпацкай (29,28%) ды Чарнавіцкай (36,41%) вобласьцях.

Па стане на 20 гадзіну яўка складала 62,80%, найвышэйшая — у Львоўскай (68,91%) ды Валынскай (68,40%) вобласьцях, найніжэйшая — у Закарпацкай (47,00%) ды Чарнавіцкай (56,10%) вобласьцях.

Яўка па рэґіёнах, %^[43]

Рэґіён	а 11:00	а 15:00	а 20:00
Віньніцкая вобласьць	16,87	46,74	65,07
Валынская вобласьць	14,80	48,19	68,40
Днепрапятроўская вобласьць	19,49	48,69	66,00
Данецкая вобласьць	18,17	44,31	59,47
Жытомірская вобласьць	16,64	47,07	64,58
Закарпацкая вобласьць	8,26	29,28	47,00
Запароская вобласьць	20,74	49,08	64,37
Івана-Франкоўская вобласьць	11,51	38,51	61,96
Кіеўская вобласьць	17,98	47,07	66,50
Кіраваградзкая вобласьць	20,04	47,57	61,96
Луганская вобласьць	20,60	45,05	56,78
Львоўская вобласьць	12,40	41,15	68,91
Мікалаеўская вобласьць	19,00	45,80	60,20
Адэская вобласьць	14,73	41,83	58,40
Палтаўская вобласьць	20,35	48,82	65,79
Ровенская вобласьць	14,11	46,62	64,97
Сумская вобласьць	19,20	48,11	64,45
Тарнопальская вобласьць	12,46	42,49	66,11
Харкаўская вобласьць	17,07	45,93	64,53
Хэрсонская вобласьць	18,88	43,76	57,65
Хмяльніцкая вобласьць	16,67	46,88	65,11
Чаркаская вобласьць	19,71	47,41	63,17
Чарнавіцкая вобласьць	10,43	36,41	56,10
Чарнігаўская вобласьць	20,00	48,69	65,37
м.Кіеў	15,60	46,62	68,05
Замежная выбарчая акруга	—	—	12,62
Украіна	16,65	45,11	62,80

Другі тур

Яўка выбарцаў па вобласьцях (ІІ тур)

Яўка выбарцаў па акругах (ІІ тур)

Яўка па рэґіёнах, %^[44]

Рэґіён	а 11:00	а 15:00	а 20:00
Віньніцкая вобласьць	17,06	45,52	62,52
Валынская вобласьць	13,99	43,77	64,25
Днепрапятроўская вобласьць	23,21	50,9	65,82
Данецкая вобласьць	20,89	44,82	57,21
Жытомірская вобласьць	17,42	44,63	61,15
Закарпацкая вобласьць	8,64	29,64	46,38
Запароская вобласьць	24,62	50,8	64,26
Івана-Франкоўская вобласьць	10,81	37	59,86
Кіеўская вобласьць	19,61	47,93	64,21
Кіраваградзкая вобласьць	22,53	47,73	60,53
Луганская вобласьць	22,71	45,05	56,33
Львоўская вобласьць	12,14	40,34	67,34
Мікалаеўская вобласьць	22,95	48,33	60,66
Адэская вобласьць	17,35	43,96	58,94
Палтаўская вобласьць	22,53	50,37	64,88
Ровенская вобласьць	13,84	42,26	60,72
Сумская вобласьць	20,54	47,93	62,52
Тарнопальская вобласьць	11,6	40,79	63,9
Харкаўская вобласьць	19,63	48,18	64,6
Хэрсонская вобласьць	22,06	45,54	57,42
Хмяльніцкая вобласьць	15,89	44,85	62,64
Чаркаская вобласьць	21,04	47,34	60,91
Чарнавіцкая вобласьць	10,9	34,93	54,09
Чарнігаўская вобласьць	20,13	48,55	62,6
м.Кіеў	16,45	46,14	65,86
Замежная выбарчая акруга	—	—	-
Украіна	18,15	45,26	62,06

Экзыт-полы

Першы тур

Назва/Замоўца	Хто праводзіць	Колькасьць дзялянкаў у выбарцы	Колькасьць рэспандэнтаў	Зяленскі	Парашэнка	Цімашэнка	Бойка	Грыцэнка	Сьмяшко	Ляшко	Вілкул	Кашул.	Іншыя кандыдаты
Нацыянальны экзыт-пол	КМІС, Цэнтар Разумкова, ДэмІніцыятывы	400	19 431	30,6%	17,8%	14,2%	9,7%	7,1%	6,5%	4,7%	4,0%	1,7%	3,7%
Экзыт-пол «ТСН»	KANTAR TNS ды Info Sapiens	600	20 000	30,1%	18,5%	14,0%	9,1%	7,6%	6,6%	5,0%	3,7%	—	5,4%
Экзыт-пол даляканалаў «112 Україна» ды NewsOne	Цэнтар «Сацыяльны маніторынґ», УІСД	500	26 548	30,9%	18,8%	13,7%	10,0%	7,4%	6,6%	4,2%	3,3%	2,0%	3,1%
Экзыт-пол СОЦЫС	СОЦЫС	430	15 405	29,3%	19,2%	13,8%	9,2%	7,9%	6,7%	4,6%	3,3%	2,3%	3,7%

Другі тур

Назва/Замоўца	Хто праводзіць	Колькасьць дзялянкаў у выбарцы	Колькасьць рэспандэнтаў	Зяленскі	Парашэнка	Сапсавалі бюлетэнь
Нацыянальны экзыт-пол	КМІС, Цэнтар Разумкова, ДэмІніцыятывы	300	14 561	73 %	25,5 %	1,5 %
Экзыт-пол «ТСН»	KANTAR TNS ды Info Sapiens	600	20 000	72,8 %	27,2 %	—
Экзыт-пол даляканалаў «112 Україна» ды NewsOne	New Image Marketing Group	500	16 000	73,7 %	26,3 %	—

Назіральнікі

Міжнародныя

Афіцыйныя назіральнікі ад замежных дзяржаваў і міжнародных арґанізацыяў, зарэґістраваныя па стане на 2 красавіка:^[45]

Дзяржава Колькасьць назіральнікаў ЗША 63 Польшча 40 Славаччына 16 Францыя 15 Нямеччына 13 Летува 5 Чэхія 5 Японія 5 Ярданія 4 Гішпанія 4 Швэцыя 4 Нарвэґія 3 Турэччына 3 Бэльґія 2 Партуґалія 2 Азэрбайджан 1 Малдова 1 Швайцарыя 1 Агульная колькасьць 187

Назва міжнароднае арґанізацыі Колькасьць назіральнікаў Бюро дэмакратычных інстытутаў і правоў чалавека Арґанізацыі бясьпекі і супрацы ў Эўропе 808 Эўрапейская сетка арґанізацыяў па назіраньні за выбарамі (ENEMO) 373 Сусьветны Канґрэс Украінцаў 219 Міжнародная няўрадавая арґанізацыя «CANADEM» 164 Парлямэнцкая асамблея АБСЭ 118 Нацыянальны Дэмакратычны Інстытут Міжнародных Адносінаў 83 Украінскі канґрэсавы камітэт Амэрыкі 78 Грамадзкі зьвяз «Міжнародная Супольнасьць па Правах Чалавека» 65 Міжнародны рэспубліканскі інстытут (МРІ) 55 Камітэт «За адкрытую дэмакратыю» 40 Парлямэнцкая асамблея Рады Эўропы 36 Міжнародная арґанізацыя «Silba — Ініцыятыва за дыялёґ і дэмакратыю» 32 Дабрачынны фонд «Міжнародная камісія па правах чалавека» 29 Парлямэнцкая асамблея НАТО 23 Эўрапейскі парлямэнт 13 Міжнародны экспэртны цэнтар выбарчых сыстэмаў (ICES) 9 Эўрапейская плятформа за дэмакратычныя выбары 6 Арґанізацыя за Дэмакратыю ды Эканамічны Розьвітак — ГУАМ 6 Агульная колькасьць 2157

Спробы ўмяшаньня ў выбарчы працэс

У этэры даляпраґрамы «Свобода слова» кіраўнік ДКІБ СБУ Аляксандар Клімчук адзначыў, што РФ спрабавацьме ўмяшацца ў выбарчы працэс. Паводле яго, асноўныя намаганьні будуць накіраваныя на кібэрнэтычныя атакі на аб’екты крытычнае інфраструктуры (электронныя сыстэмы ЦВК, аб’екты транспарту, энэрґетыкі і г. д.) ды інфармацыйныя ўплывы на грамадзянаў (уплыў праз інтэрнэт-рэсурсы, сацсеткі). Ён адзначыў, што набыты з 2014 року досьвед ды абнаўленьне тэхнічнае базы дае змогу СБУ эфэктыўна супрацьдзеяць кібэратакам.^[46]

За 2018 было заблякавана каля 300 кібэратакаў. Некаторыя зь іх па сваіх наступствах маглі быць ня менш, ніж вірус Petya A — у тым ліку й атака на энэрґетыку, вірус Grey Energy, які быў пасьлядоўнікам Black Energy, у гэтым годзе мы заблякавалі

Арыгінальны тэкст  (укр.)

За 2018 рік було заблоковано близько 300 кібератак. Деякі з них за своїми наслідками могли бути не менші, ніж вірус Petya A — зокрема й атака на енергетику, вірус Grey Energy, який був послідовником Black Energy, цього року ми заблокували

^[47]

Старшыня перадвыбарчага штабу кандыдата ў прэзыдэнты Анатоля Грыцэнка Віктар Чумак заявіў пра праслухоўваньне іх офісу і прад’явіў сродкі праслухоўваньня ў Вярхоўнай Радзе Ўкраіны^[48]. На пачатку сакавіка 2019 року падобныя паведамленьні зьявіліся адносна кандыдата Ўладзімера Зяленскага — ля офісу студыі «Квартал 95» МУС Украіны было знойдзенае праслухоўвальнае абсталяваньне, што належыць СБУ, аднак СБУ адразу ж заявілі пра падрыў апэрацыі супраць невядомага чалавека^[49].

Прадстаўнік Бюро па дэмакратычных інстытутах і правоў чалавека (БДІПЧ) АБСЭ Томас Раймэр заявіў, што расейцаў вылучаць зь сьпісу назіральнікаў на выбарах ва Ўкраіне.^[50]

У студзені ‒ сакавіку 2019 року СБУ выкрыла і спыніла супрацьпраўную дзейнасьць разгалінаванае і глыбока закансьпіраванае аґентурнае сеткі інтэрнэт-аґітатараў, які дзеялі праз сацыяльныя сеткі «Facebook», «ВКонтакте» ды «Twitter», пашыраючы ў сетцы Інтэрнэт матэрыялы, накіраваныя на штучнае абвастрэньне грамадзка-палітычнае сытуацыі напярэдадні і падчас правядзеньня прэзыдэнцкіх выбараў. Да гэтае ґрупы ўваходзілі мешканцы Кіеўскае, Адэскае, Мікалаеўскае, Запароскае, Днепрапятроўскае, Сумское і Чарнігаўскае вобласьцяў. Зафіксавалі 17 фактаў умяшаньня расейскіх адмысслужбаў у выбарчыя працэсы ў краіне праз праплачанае распаўсюджваньне фэйкавае інфармацыі^[51].

Скандалы

На выбарах 2019 актыўна задзеяныя тэхналёґіі прамога і ўскоснага подкупу выбарцаў. Схэма набыцьця некалькіх адсоткаў галасоў можа спрацаваць незаўважна — праз сеткі дэпутатаў-мажорытарнікаў і прадстаўнікоў орґанаў самакіраваньня. Так, напярэдадні выбараў праваахоўнікі адкрылі крымінальныя справы пра подкуп галасоў выбарцаў, якія тычацца чатырох кандыдатаў у прэзыдэнты. Як паведаміў старшыня МУС Арсэн Авакаў, паліцыя атрымала паведамленьні пра подкуп на карысьць кандыдатаў Пятра Парашэнкі, Юліі Цімашэнкі, Сяргея Таруты ды Анатоля Грыцэнка. Таксама ў Адэскай вобласьці ліквідавалі сетку подкупу выбарцаў на карысьць кандыдата на пасаду прэзыдэнта Юліі Цімашэнкі. Адбылася спроба подкупу кандыдата Юрыя Цімашэнка. Кандыдату прапаноўвалі 5 млн грыўняў (у даляравым эквіваленце) за зьняцьце кандыдатуры, замоўцам ёсьць народны дэпутат Валеры Дубіль. Таксама па заяве дырэктара сацыяляґічнае службы «Ўкраінскі баромэтар» Віктара Нябожанка, супраць кандыдата Цімашэнка было адразу некалькі тэхнічных кандыдатаў-спойлераў, нават цёзка.^{[52][53][54][55][56][57]}

Здача аналізаў

Зяленскі прапанаваў, а Пятро Парашэнка падтрымаў здачу аналізаў на наяўнасьць алькаголю ды наркотыкаў у арґанізме. 4 красавіка ў штабе Парашэнкі паведамілі, што ён плянуе здаць аналізы 5 красавіка ў мэдпункце стадыёна НСК «Алімпійскі», да чаго ён заклікаў і свайго апанэнта Зяленскага. Аднак, у штабе Ўладзімера паведамілі, што яны не давяраюць мэдпункту, паколькі ён знаходзіцца пад кантролем людзей ва ўладзе і пад іх ціскам. Таму ён плянуе здаць аналізы ў клініцы «Eurolab»^[58][59]. Уранку 5 красавіка Ўладзімер Зяленскі здаў аналізы ў прыватнай клініцы, а Пятро Парашэнка — у мэдычнай частцы стадыёна «Алімпійскі»^[60][61]. Стала таксама вядома, што адным з уладальнікаў прыватнае клінікі «Eurolab», дзе здаў аналізы Зяленскі, ё Андрэй Пальчэўскі — украінскі^[62] прадпрымальнік і тэлевядучы, які адкрыта падтрымлівае яго на прэзыдэнцкіх выбарах. Таксама ён быў намесьнікам міністра моладзі і спорту Равіля Сафіульліна за часамі прэзыдэнта Віктара Януковіча.^[63]

Пры публікацыі аналізаў Зяленскага было заўважана, што на блянку зь яго аналізамі стаіць дата 2 красавіка 2019, а мела б быць 5 красавіка. Пазнейша былі апублікаваныя аналізы з датаю 5 красавіка^[64]. Уладзімер Клічко прапанаваў здаць аналізы ў міжнародную лябараторыю, але Ўладзімер Зяленскі грэбаваў яго прапановаю^[65].

Здача аналізаў выклікала актыўнасьць у сацсетках. Некалькі дзён карыстальнікі абмяркоўвалі гэтую падзею і намалявалі вялікую колькасьць фотажабаў^[66].

Фота з Пуціным

Для аґітацыі супраць Зяленскага Парашэнкі ўжываў ягонае фота з Пуціным. Аднак, такая рэкляма не спадабалася шматлікім украінцам і ад яе вырашылі адмовіцца^[67].

Ролік з наркотыкам

11 красавіка 2019 року ў сетцы зьявіўся падроблены ролік Зяленскага, дзе яго зьбівае Камаз і паказваецца дарожка з наркотыкам, намякаючы на тое, што Ўладзімер Зяленскі ё наркаманам. Ролік зьявіўся на рэсурсе, што належыць Пятру Парашэнку. Даволі хутка яго адтуль выдалілі^[68]. Адміністрацыя прэзыдэнта так і не патлумачыла, як ролік апынуўся на іх Telegram-канале^[69].

Дэбаты

Пятро Парашэнка на НСК «Алімпійскі» 14.04.2019

Пасьля першакрасавіцкае прапановы правесьці дэбаты кандыдатаў ад Нацыянальнае грамадзкае тэлерадыёкампаніі Ўкраіны і Пятро Парашэнка, і Ўладзімер Зяленскі пагадзіліся, але пазьней паліткансультант штабу шоўмэна Дзьмітро Разумкоў удакладніў гэтую пазыцыю^[70]:

Пытаньне ў тым, ці гэта трэба, а акрамя таго, дужа не хочацца ісьці на павадку ў кагосьці. Калі цябе спрабуюць зацягнуць у гэты працэс, бо думаюць, што разумнейшыя.

Арыгінальны тэкст  (укр.)

Питання у тому, чи це потрібно, а окрім того, дуже не хочеться іти на поводу у когось. Коли тебе намагаються затягнути у цей процес, бо думають, що розумніші.

Увечары 3 красавіка Ўладзімер Зяленскі запісаў відэазварот, дзе ён заявіў, што згодны на дэбаты пры пэўных умовах:

Чакаю на вас тут, на НСК «Алімпійскі». Дэбаты адбудуцца перад народам Украіны. Усе каналы маюць права трансьляваць дэбаты нажыва, усе журналісты маюць права прысутнічаць. Кандыдаты павінны абавязкова прайсьці экспэртызу і давесьці народу, што сярод іх няма ані алькаголікаў, ані наркаманаў. Краіне патрэбны здаровы прэзыдэнт. Даю вам 24 гадзіны. Думай-це.

Арыгінальны тэкст  (укр.)

Чекаю на вас тут, на НСК «Олімпійський». Дебати відбудуться перед народом України. Усі канали мають право транслювати дебати наживо, усі журналісти мають право бути присутніми. Кандидати повинні обов’язково пройти експертизу і довести народу, що серед них немає ні алкоголіків, ні наркоманів. Країні потрібен здоровий президент. Даю вам 24 години. Думай-те.

— https://www.pravda.com.ua/news/2019/04/3/7211209/ Зеленський дав Порошенку 24 години: хоче дебатів на Олімпійському

Уранку 4 красавіка Пятро Парашэнка адказаў на гэты зварот:

Правілы дэбатаў прапісаныя ў законе пра выбары Прэзыдэнта, пачытайце калі ласка. Яны могуць адбывацца на базе Грамадзкага тэлебачаньня з трансьляцыяю па ўсіх тэлеканалах для дзясяткаў мільёнаў людзей. Але стадыён, так стадыён.

Арыгінальны тэкст  (укр.)

Правила дебатів прописані в законі про вибори Президента, почитайте будь ласка. Вони можуть відбуватися на базі Суспільного телебачення з трансляцією по всіх телеканалах для десятків мільйонів людей. Але стадіон, так стадіон.

— https://www.pravda.com.ua/news/2019/04/4/7211226/ Порошенко відповів Зеленському щодо дебатів: Стадіон, так стадіон

5 красавіка абодва кандыдаты здалі аналізы.

Першая размова з Парашэнкам

11 красавіка 2019 року Пятро Парашэнка прыйшоў на здымкі перадачы на канале 1+1. Ён прапанаваў вядучым зьвязацца з Уладзімерам Зяленскім, каб распачаць дэбаты. Вядучыя датэлефанаваліся да Ўладзімера і спрабавалі прыцягнуць яго да дэбатаў. Але размовы не атрымалася. Зяленскі яшчэ раз паўтарыў, што ён гатовы прыйсьці на дэбаты толькі 19 красавіка на стадыёне і кінуў слухаўку.^[71]

Дэбаты 19 красавіка на стадыёне

Асноўны артыкул: Дэбаты кандыдатаў у Прэзыдэнты Ўкраіны 2019 на стадыёне «Алімпійскі»

Дэбаты 19 красавіка ў студыі Грамадзкага тэлебачаньня

Пятро Парашэнка выступаў у студыі адзін, паколькі Зяленскі, які папярэджваў, што не прыедзе, так і не прыехаў.