Антон Рабцаў

Антон Ра́бцаў (нар. 19 лютага 1984 году) — колішні беларускі футбаліст, абаронца.

Антон Рабцаў
Пэрсанальная інфармацыя
Нарадзіўся	19 лютага 1984(1984-02-19)[1] (41 год) або 18 лютага 1984(1984-02-18)[2] (41 год) Новалукомаль, Чашніцкі раён, Віцебская вобласьць, БССР, СССР
Рост	180 см
Вага	77 кг
Пазыцыя	абаронца
Клюбы
Гады	Клюб	Гульні (галы)¹
2002	Дынама Менск	6 (0)
2003—2004	Дынама-Юні[d]	29 (0)
2004	Дынама Менск	4 (0)
2005—2008	Дарыда	90 (1)
2009	Гомель	10 (0)
2010	Рудзенск[d]	14 (0)
2010—2012	Тарпэда-БелАЗ	55 (0)
2013—2014	Слуцак	54 (0)
Зборныя
2002—2004	Беларусь (да 21)	6 (0)

Кар’ера

Пачынаў кар’еру ў складзе менскага «Дынама», але за асноўную каманду правёў толькі 10 матчаў. У 2005 годзе перайшоў у ждановіцкую «Дарыду», у складзе якой трывала гуляў у асноўным складзе цягам чатырох гадоў. Па заканчэньні сэзону 2008 году «Дарыда» спыніла існаваньне, і Антон апынуўся ў складзе «Гомля». Аднак замацавацца ў складзе гомельскага клюбу ня здолеў. Паводле вынікаў сэзону 2009 году «Гомель» страціў месца ў Найвышэйшай лізе, і Рабцаў пакінуў клюб.

Першую палову сэзону 2010 году правёў у першалігавым «Рудзенску», а потым стаў гульцом жодзінскага «Тарпэда». У 2010—2011 гадах трывала гуляў у асноўным складзе жодзінцаў, а ў сэзоне 2012 году пачаў радзей зьяўляцца на полі. У студзені 2013 году разам зь Яўгенам Лашанковым перайшоў з «Тарпэда-БелАЗ» у «Слуцак». Дапамог слуцкаму клюбу ў сэзоне 2013 году перамагчы ў Першай лізе. У сэзоне 2014 году быў асноўным цэнтральным абаронцам «цукровых» у Найвышэйшай лізе, аднак у кастрычніку 2014 году атрымаў траўму, празь якую прапусьціў канчатак сэзону.

У студзені 2015 году падоўжыў кантракт з «Слуцкам»^[3]. Аднак неўзабаве стала вядома, што праз траўму Антон вымушаны будзе прапусьціць сэзон 2015 году^[4]. У выніку, у лютым 2015 году скасаваў кантракт з «Слуцкам»^[5] і завяршыў кар’еру.