Антэр (папа рымскі)

Антэр (лац.: Anterus, ? — 3 студзеня 236) — 19-ы Папа Рымскі (з 21 лістапада 235 па 3 студзеня 236).

Антэр I

Anterus
Антэр I, Папа Рымскі
Пачатак папства	21 лістапада 235
Канец папства	3 студзеня 236
Папярэднік	Пантыян
Наступнік	Фабіян
Асабістыя зьвесткі
Нарадзіўся	? Petilia Policastro[d], Кратонэ[d], Калябрыя, Італія
Памёр	3 студзеня 236 Рым, Рымская імпэрыя
Пахаваны	катакомбы сьвятога Калікста[d]
Дэнамінацыя	Каталіцкая царква[1]
Заняткі	каталіцкі сьвятар
Дзень памяці	3 студзеня
Антэр у Вікісховішчы

Пантыфікат

Біскуп Рыма Антэр быў грэкам, сынам Ромула^[2], які нарадзіўся ў Пецілію-Палікастра ў Калабрыі й вызваліўся з рабства.

Верагодна, што ў 235 годзе ён (разам зь іншымі дзеячамі хрысьціянскай царквы, у тым ліку папам сьв. Пантыянам і біскупам (антыпапай) сьв. Гіпалітам Рымскім) быў сасланы на востраў Сардынія па загадзе імпэратара Максыміна Тракійскага. Там Пантыян і Гіпаліт памірыліся й дамовіліся аб тым, што наступным Папам стане Антэр.

Яго пантыфікат працягваўся месяц і дзесяць дзён. Ён лічыцца пакутнікам, пахаваны ў катакомбах сьв. Калікста. Надмагільная пліта Антэра была знойдзена Джавані Батыста дэ Росі ў 1854 годзе. На пліце захаваліся паўсьцёртыя рэшткі грэцкай эпітафіі.