Анэўрызма

Анэўрызма (грэц. ανεύρυσμα — пашырэньне) — абмежаванае пашырэньне крывяноснай ссудзіны або поласьці сэрца пры станчэньні і выпучваньні яго сьценкі.

Анэўрызма
Анэўрызма ў левай артэрыі хрыбетніка (кампутарная тамаграфія з кантрастам, 2016 г.)
Спэцыяльнасьць	ангіялёгія
Ускладненьні	крывацёк
Віды	сапраўдная, несапраўдная
Прычыны	атэрасклероз, інфаркт міякарда
Фактары рызыкі	пранцы, раненьне
Мэтад дыягностыкі	кампутарная тамаграфія
Лячэньне	эндаваскулярнае ўмяшаньне[1]
Анэўрызма ў Вікісховішчы

Віды: сапраўдная — выпучваюцца ўсе слаі сьценак, несапраўдная — мяшок пры сьценцы пашкоджанай ссудзіны. Пры пашкоджаньні аорты і ссудзіны (артэрыяльная, вянозная, артэрыявянозная) ёсьць ускладненьнем атэрасклерозу, пранцаў і раненьня. Пашкоджаньне сэрца ўзьнікае пасьля інфаркту ў сьценцы левага страўнічка. Можа парушаць кровазабесьпячэньне і сьціскаць прылеглыя тканкі. Магчымы разрыў і крывацёк са сьмяротным зыходам. Лячэньне адмысловае і хірургічнае^[2]. Для папярэджаньня крывацёку да анэўрызмы падводзяць прыстасаваньне адводу ссудзіны з кровазвароту. Умяшаньне ажыцьцяўляюць з дапамогай катэтара, які падводзяць празь сьцегнавую артэрыю^[1].