Апэрацыя Багратыён

«Апэра́цыя Багратыён» — буйнамаштабная наступальная апэрацыя савецкіх войскаў у гады Другой сусьветнай вайны, названая так у гонар расейскага палкаводца расейска-францускай вайны 1812 году Пятра Багратыёна. Адна з найбуйнейшых вайсковых апэрацыяў за ўсю гісторыю чалавецтва.

Апэрацыя Багратыён
Другая сусьветная вайна
Дата: 23 чэрвеня — 29 жніўня 1944 Месца: Беларусь, Летува, усходнія раёны Польшчы Вынік: Перамога Чырвонай Арміі. Вызваленьне Беларусі і Летувы. Уступленьне савецкіх войскаў у Польшчу.
Супернікі
СССР ПКНВ	Трэці Райх Румынія Вугоршчына Беларуская цэнтральная рада
Камандуючыя
Іван Баргамян Іван Чарняхоўскі Георгі Захараў Канстанцін Ракасоўскі Георгі Жукаў Аляксандр Васілеўскі Зыгмунт Бэрлінг	Эрнст Буш Вальтэр Модэль Георг Ганс Рэйнгарт Курт фон Ціпэльскірх Вінцэнц Мюлер Ганс Ёрдан Нікалаюс фон Форман Вальтэр Вайс Франц Кушаль Міхал Вітушка
Колькасьць
2,4 млн. чалавек[1] 36 тыс. гарматаў і мінамётаў зв. 5 тыс. танкаў зв. 5 тыс. самалётаў[2]	800 тыс.. чалавек 9500 гарматаў і мінамётаў 900 танкаў і САУ 1350 самалётаў[2]
Страты
178 507 забітымі/зьніклымі бязь вестак 587 308 параненымі[1] 2957 танкаў і САУ, 2447 гарматаў і мінамётаў 822 баявых самалётаў[2]	250 тыс. беззваротна 150 тыс. паранена[3]

Апэрацыя «Багратыён» была праведзена 23 чэрвеня — 29 жніўня 1944 на Беларусі войскамі 1-га Прыбалтыйскага фронту (камандуючы — генэрал арміі І. Х. Баграмян), 3-га Беларускага (камандуючы — генэрал-палкоўнік Іван Чарняхоўскі), 2-га Беларускага (камандуючы — генэрал-палкоўнік І. Ф. Захараў) і 1-га Беларускага (камандуючы — генэрал арміі К. К. Ракасоўскі) франтоў з удзелам частак 1-й Польскай арміі, пры падтрымцы авіяцыі далёкага дзеяньня, Дняпроўскай вайсковай флятыліі.

Пасьпяховае наступленьне савецкіх войскаў прывяло да поўнага краху групы армій «Цэнтар» і страты 28 падразьдзяленьняў Вэрмахту.

Перадумовы

Увосень 1943 — вясной 1944 году страты франтоў Чырвонай арміі на лініі Віцебск — Ворша — Магілёў перавысілі 330 000 вайскоўцаў забітымі, параненымі і зьніклымі бязь вестак^[4].