Арцыскі раён

Арцыскі раён (па-ўкраінску: Арцизький район) — колішнія адміністрацыйная адзінка на паўднёвым захадзе Адэскай вобласьці Ўкраіны. Адміністрацыйны цэнтар — места Арцыз.

Арцыскі раён
Арцизький район
Герб	Сьцяг
Агульныя зьвесткі
Краіна	Украіна
Статус	раён
Уваходзіць у	Адэская вобласьць
Адміністрацыйны цэнтар	Арцыз
Дата ўтварэньня	1967
Дата скасаваньня	17 ліпеня 2020[1]
Афіцыйныя мовы	украінская
Насельніцтва	51 742
Шчыльнасьць	37,52 чал./км²
Плошча	1379 км²
Месцазнаходжаньне
Мэдыя-зьвесткі
Часавы пас	GMT +2
Тэлефонны код	+380-4845
Паштовыя індэксы	68409
Дадатковыя мультымэдыйныя матэрыялы

Геаграфічныя зьвесткі

Па тэрыторыі раёну працякаюць рэкі Чага, Кагільнік, Кіргіж-Кітай, Аліяга.

Гісторыя

Як вядома, стэпавыя мястэчкі, заснаваныя немцамі-асаднікамі на Адэшчыне ў 1810—1830-х рр., атрымоўвалі свае імёны ў памяць перамог расейскай зброі над напалеонаўскімі войнамі. Да прыкладу — Тарутына, Малаяраславец, Барадзіно, Ляйпцыг, Фэршампэнуаз, Парыж, Цяпліц і іншыя.

Што да Арцызу, то гэтая назва — напамінак пра эпізод ваеннай гісторыі, які прынята тыпізаваць як перамогу саюзных войскаў над напалеонаўскімі пры невялікім францускім месьце Арсі-сір-Об, гэта значыць Арсі на рэчцы Об, прытоку Сэны, у Шампані.