Арцём Бруй

Арцём Аляксандравіч Бруй (нар. 9 чэрвеня 2003) — беларускі футбаліст, абаронца віцебскага МЛ.

Арцём Бруй
Пэрсанальная інфармацыя
Нарадзіўся	9 чэрвеня 2003(2003-06-09)[1] (22 гады) Койданаў, Менская вобласьць, Беларусь[2]
Рост	187 см
Вага	84 кг[1]
Пазыцыя	абаронца
Клюбы
Гады	Клюб	Гульні (галы)¹
2021—2022	Менск	2 (0)
2022	→ Ворша	6 (0)
2022	МЛ Віцебск	14 (1)
2023	Менск	0 (0)
2023	→ Нафтан	20 (0)
2024—2025	МЛ Віцебск	32 (0)

Кар’ера

Клюбная

Выхаванец сталічнага клюбу «Менск». Выступаў за юнацкія каманды клюбу, з 2019 году пачаў гуляць за дубль. Улетку 2021 году пачаў прыцягвацца да асноўнай каманды. 15 жніўня 2021 году дэбютаваў у Найвышэйшай лізе, адгуляўшы ўсе 90 хвілінаў у матчы з барысаўскім БАТЭ (0:1). Увосень 2021 году за наўмысны штуршок гульца суперніка, празь які той атрымаў цяжкую траўму, быў дыскваліфікаваны на 21 матч з улікам першынства дублёраў^[3].

У пачатку 2022 году на правах арэнды далучыўся да «Воршы»^[4], а ў чэрвені перайшоў у рагачоўскі «Макслайн», дзе замацаваўся ў стартавым складзе і дапамог клюбу атрымаць права на ўдзел у Найвышэйшай лізе, куды ён, аднак, ня быў дапушчаны. Пачынаючы з студзеня 2023 году трэнаваўся з наваполацкім «Нафтанам» і ў лютым афіцыйна стаў гульцом клюбу^[5]. У лютым 2024 году вярнуўся да шыхтаў «Макслайну»^[6]. Гэтым разам гулец стала замацаваўся ў першай адзінаццатцы каманды.

Міжнародная

У кастрычніку 2019 году гуляў за зборную Беларусі (да 17 гадоў) у кваліфікацыйным раўндзе чэмпіянату Эўропы.