Аршанская транспартная пракуратура

Аршанская транспартная пракуратура^[2] — дзяржаўная земская ўправа ў Віцебскае вобласьці. Акруга дзейнасьці — Віцебская вобласьць. Пачало дзейнасьць з распадам СССР. Прыпыніла існаваньне 1 ліпеня 2017^[1][3].

Аршанская транспартная пракуратура
Даведка
Папярэднік	Аршанская тр. пр-ра БССР
Наступнік	Віцебская тр. пр-ра
Дата ўтварэньня	27 ліпеня 1991 (33 гады таму)
Дата спыненьня існаваньня	1 ліпеня 2017[1]
Задача	1) перадача карных і грамадзянскіх справаў у суд, 2) удзел у судзе дзяржаўным абвінаваўцам
Сядзіба	211030 Беларусь, м. Ворша, вул. вул. Заслонава, 3
Дзейнічае ў месцах	Віцебская вобласьць
Службовыя мовы	расейская беларуская
Управа	Пр-ра Віцебскае в-сьці
Галоўная ўправа	Ген. пракуратура
Зьвязаныя службы	суд СК РБ міліцыя ДПК РБ КДБ РБ Адвакатура
Старонка ў сеціве	Старонка ў сеціве

Асноўны артыкул: Транспартная пракуратура

Вышэйшая ўстанова:

• Беларуская транспартная пракуратура з 1991 па 1 сьнежня 2014 г.^[4]
• Пракуратура Віцебскае вобласьці з 1 сьнежня 2014 па 1 ліпеня 2017^[1].

Пракуратура знаходзілася ў месцы: 211030 г. Ворша, вул. вул. вул. Заслонава, 9А.

Назва

Назва ўправы ня мае адрозьненьня ад правапісу:

Сьцяг	Правапіс	Назва
	Тарашкевіца	Аршанская транспартная пракуратура
	Наркамаўка	Аршанская транспартная пракуратура

Дзейнасьць

Транспартная пракуратура назірала за выкананьнем права на беларускае чыгунцы. Галоўныя веды аб правапарушэньнях браліся з транспартнае міліцыі (аддзел унутраных спраў на транспарце). Сьледзтва аб злачынствах вядзе мясцовы аддзел сьледчага камітэту Беларусі. Па асобных карных справах могуць весьці карную справу КДБ і ДПК, а потым перадаць пракуратуры для далейшае перадачы карнае справы ў суд.

Права

У адпаведнасьці з артыкулам 4 Закона Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З задачамі пракуратуры зьяўляюцца^[5]:

• забесьпячэньне вяршэнства права, законнасьці й правапарадку,
• абарона правоў і законных інтарэсаў грамадзян і грамадаў, а таксама грамадзкіх і дзяржаўных інтарэсаў.

У мэтах выкананьня гэтых задач пракуратура ажыцьцяўляла нагляд за:

• дакладным і аднастайным выкананьнем законаў, дэкрэтаў, указаў і іншых нарматыўных прававых актаў дзяржаўнымі органамі кіраваньня і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадзкімі абьяднаньнямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;
• выкананьнем заканадаўства пры ажыцьцяўленьні апэратыўна-вышуковае дзейнасьці;
• выкананьнем закона падчас дасудовае вытворчасьці, пры вытворчасьці папярэдняга сьледзтва і дазнаньні;
• адпаведнасьцю закону судовых пастаноў, а таксама за выкананьнем заканадаўства пры іх выкананьні;
• выкананьнем заканадаўства пры выкананьні пакараньня і іншых мер карнае адказнасьці, а таксама мер прымусовага характару.

Пракуратура павінна правіць праваахоўнаю дзейнасьцю дзяржаўных органаў, якія ажыцьцяўляюць барацьбу са злачыннасьцю і карупцыяю, а таксама дзейнасьць па барацьбе са злачыннасьцю іншых арганізацыяў, якія ўдзельнічаюць у барацьбе са злачыннасьцю, дзейнасьць па папярэджаньню правапарушэньняў.

Пракуратура праводзіла папярэдняе сьледзтва ў выпадках, прадугледжаных Крымінальна-працэсуальным кодэксам Рэспублікі Беларусь.

Пракуроры прымаюць удзел у разглядзе судамі грамадзянскіх спраў, спраў, зьвязаных з ажыцьцяўленьнем прадпрымальніцкае і іншай гаспадарчае (эканамічнае) дзейнасьці, падтрымліваюць дзяржаўнае абвінавачаньне па карных справах, удзельнічаюць у адміністрацыйным працэсе.

Сьпіс законаў

Пракуратура дзейнічае ў адпаведнасьці з наступнымі законамі:

• Грамадзянска-працэсуальны кодэкс Рэспублікі Беларусь,
• Гаспадарча-працэсуальны кодэкс Рэспублікі Беларусь,
• Крымінальна-працэсуальны кодэкс Рэспублікі Беларусь,
• Працэсуальна-выканаўчы кодэкс Рэспублікі Беларусь аб адміністрацыйных правапарушэньнях.

Глядзіце таксама

• Выканаўчая ўлада Беларусі
• Выканаўчая ўлада Віцебскае вобласьці

Заўвагі