Арэнбург (футбольны клюб)

«Арэнбург» (па-расейску: Оренбург) — расейскі футбольны клюб з гораду Арэнбургу. Заснаваны ў 1976 годзе.

Арэнбург
Заснаваны	1976
Горад	Арэнбург, Расея
Стадыён	Газавік Умяшчальнасьць: 4800
Кіраўнік	Газпрам
Галоўны трэнэр	Ільшат Айткулаў[d][1]
Чэмпіянат	Прэм’ер-ліга
· 2024—2025	15 месца
Хатнія колеры Выязныя колеры
Галерэя здымкаў у Вікісховішчы fcorenburg.ru (рас.)

Гісторыя

Дэбют у першынствах краіны адбыўся ў 1976 годзе, калі «Газавік» замяніў у Другой лізе чэмпіянату СССР іншы арэнбурскі клюб — «Лякаматыў». Адгуляўшы ў гэтай лізе сем гадоў, дамагчыся асаблівых посьпехаў не атрымалася. У 1983 годзе каманда ня здолела заявіцца на турніры, гуляючы ў гэты час на аматарскім узроўні. У 1990 годзе арэнбурскі зноў зьявіўся ў Другой лізе, але зноў каманда была сярод аўтсайдэраў, фінішуючы на 15-м і праз год 18-м месцах.

Хатні стадыён «Арэнбургу».

Першы чэмпіянат Расеі клюб гуляў у Другой лізе, а ў 1993 годзе заняў апошні радок і выбыў у Трэцюю лігу, дзе спаборнічаў чатыры сэзоны. Пасьля скарачэньня Трэцяй лігі ў 1998 годзе, «Газавік» зноў вярнуўся ў склад удзельнікаў другога дывізіёну, выступаючы там ажно да 2010 году. У 2006, 2007 і 2008 гадах арэнбурцы былі другімі у лізе, дзякуючы чаму каманда магла пайсьці на павышэньне, але ад гэтага адмовіліся спонсары з Газпраму, а таксама кіраўніцтва гораду і вобласьці^[2]. Пасьля гэтага надыйшлі крыху няўдалыя сэзоны, гэтак у 2009 годзе каманда была на сёмым месцы. Адбыліся і кадравыя зьмены, бо новым дырэктарам стаў Юры Калякін, а новым галоўным трэнэрам быў прызначаны Канстанцін Галкін. Дзякуючы іхным намаганьням каманда прабілася ў ФНЛ (другі дывізіён). Першы сэзон у новай лізе стаў пераходным з сыстэмы вясна-восень на восень-вясна, у выніку чаго каманды згулялі матчы ў тры колы. У гэты ж час зьмяніўся галоўны трэнэрам, якім стаў Робэрт Еўдакімаў.

У адзінаццаці матчах трэцяга кола было здабыта сем перамог і тры нічыіх, а адзіная параза была зазнаная ад прынцыповага суперніка з калінінградзкая «Балтыкі». Менавіта у барацьбе з гэтым супернікам арэнбуржцы ня здолелі даць рады і паводле дадатковых паказьнікаў страцілі месца ў другім дывізіёне. Ужо праз год дружына вярнулася ў ФНЛ. Гэтым разам каманда ўжо не вяла барацьбу за выжываньне, двойчы запар фінішуючы на пятым радку. Таксама ў 2015 годзе каманда дамаглася найлепшага выніку ў кубкавай гісторыі, дакрочыўшы да паўфіналу турніру, саступіўшы маскавіцкаму «Лякаматыву».

16 траўня 2016 году арэнбурскі клюб упершыню ў сваёй гісторыі атрымаў права ўдзелу у Прэм’ер-лізе паводле вынікаў сэзону 2015—2016 гадоў. Празь дзевяць дзён ён быў перайменаваны ў «Арэнбург»^[3], у тым ліку і пасьля заявы прэзыдэнта РФЗ Віталя Мутко аб тым, што не павінна быць у адной лізе клюбаў, якія належаць адной структуры. Да таго галоўным партнэрам каманды быў Газпрам, які таксама быў фундатарам санкт-пецярбурскага «Зэніту»^[4][5]. 30 траўня быў апублікаваны новы лягатып^[6]. У свой пачатковы сэзон «Арэнбург» заняў трынаццатае месца, а ў пераходных матчах саступіў «СКА-Хабараўску» і вярнуўся ў ФНЛ. У наступныя гады каманда яшчэ некалькі разоў вярталася ў найвышэйшы дывізіён, час ад часу вылятаючы зь яго. Паводле вынікаў сэзону 2024—2025 гадоў «Арэнбург» зноў страціў месца ў Прэм’ер-лізе, але праз скасаваньне ўдзелу маскавіцкага «Тарпэда», арэнбуржцы захавалі месца ў эліце.

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Багдан Аўсяньнікаў  1999 2 Аб Станіслаў Паройкаў 2004 3 Аб Даніла Вядзернікаў  2001 4 Аб Даніла Хатулёў  2002 5 Аб Аляксей Татаеў  1998 7 Нап Эмірджан Гюрлюк  2003 8 ПА Уладзіслаў Камілаў  1995 9 Нап Максім Савельеў  2002 10 Нап Саід Сагархізан  2003 11 Нап Сьцяпан Аганесян  2001 16 Нап Хордзі Томпсан  2004 17 ПА Аляксандар Ламакін  1995 18 ПА Аляксандар Каваленка  2003 20 ПА Дзьмітры Рыбчынскі  1998 29 ПА Уладан Бубаня  1999

№ Пазыцыя Імя Год нараджэньня 30 Нап Гедэон Гузіна  1993 31 Аб Георгі Зотаў  1990 33 ПА Іраклі Квэквэскіры  1990 38 Аб Арцём Касімаў  2003 44 Аб Анры Чычынадзэ  1997 56 ПА Даніла Шылаў 2002 57 ПА Яўген Балотаў 2001 59 Аб Максім Сышчанка  2004 61 Аб Сямён Сталбоў  2003 77 Нап Ацамаз Равазаў  2005 78 Нап Іван Гулько 2003 95 Бр Андрэй Хадановіч  2004 96 ПА Аляксей Бараноўскі  2005 99 Бр Мікалай Сысуеў  1999