Балтыка Калінінград

«Ба́лтыка» (па-расейску: Балтика) — расейскі футбольны клюб з гораду Калінінграду. Заснаваны ў 1954 годзе. Ёсьць лідэрам паводле колькасьці матчаў у другім эшалёне расейскага футболу. Гэта першая каманда, якая набрала 1000 пунктаў у другой паводле моцы лізе чэмпіянату Расеі^[2][3].

Балтыка
Заснаваны	1954
Горад	Калінінград, Расея
Стадыён	Балтыка Умяшчальнасьць: 14 660
Кіраўнік	Калінінград
Галоўны трэнэр	Андрэй Талалаеў[d][1]
Чэмпіянат	Прэм’ер-ліга
· 2024—2025	Першая ліга, 1 месца (падвышэньне)
Хатнія колеры Выязныя колеры
Галерэя здымкаў у Вікісховішчы fc-baltika.ru (рас.)

Гісторыя

Каманда былая створана ў жніўні 1954 году пры кіраваньні экспэдыцыйнай лоўлі рыбы гораду Калінінграду пад назовам «Харчавік». Яна дэбютавала ў першынстве РСФСР сярод калектываў фізычнай Культуры (КФК) у 1955 годзе. З 1957 году клюб браў удзел у першынстве СССР клясы Б. У 1958 годзе каманда была пераназваная ў «Балтыку». У 1969 годзе каманда заняла 10-е месца ў другой групе клясы А.

Стадыён «Балтыка» на матчы супраць тульскага «Арсэналу».

Якасныя зьмены адбыліся ў 1992 годзе, калі на тле палітычных і эканамічных зьменаў у каманду прыйшоў заслужаны трэнэр Карней Шперлінг. За некалькі гадоў «Балтыка» значна прасунулася праз сыстэму ліг Расеі, а ў 1995 годзе пад кіраўніцтвам Леаніда Ткачэнкі зь вялікім адрывам ад супернікаў выйграла Першую лігу. Наступныя тры сэзоны «Балтыка» спаборнічала ў Найвышэйшай лізе. Пачатковы сэзон у эліце быў асабліва ўдалы. Каманда фінішавала на сёмым радку, дзякуючы, у першую чаргу, вельмі ўпэўненай гульні дома, гэтак на хатнім полі былі выгуляныя сталічны «Спартак» і ўладзікаўкаская «Аланія», а таксама ЦСКА, «Тарпэда» і «Крыламі Саветаў». У сьнежні 1998 году новым генэральным дырэктарам клюбу стаў Дзьмітры Чэпель, які прызначыў галоўным трэнэрам Уладзімера Дзергача. Перад камандай была пастаўленая задача вяртаньня ў найвышэйшы дывізіён. Першае кола каманда скончыла на першым месцы, але на фінішы «Балтыка» заняла толькі 5-е месца, ня выканаўшы задачу вяртаньня. Пасьля гэтага сэзону з клюбу сышла група лідэраў, а склад істотна саслабеў, на што не ў апошнюю чаргу паўплывала зьніжэньне фінансаваньня клюбу^[4].

У час з 1999 па 2011 гады ў «Балтыцы» блізу 20 разоў зьмяняўся галоўны трэнэр. Натуральна, у такой сытуацыі камандзе было складана дамагчыся істотных посьпехаў. Сэзон 2000 году «Балтыка» завяршыла на 12-м месцы, а ў 2001 годзе моцны серадняк першага дывізіёну і зусім апусьціўся ў зону «Захад» другога дывізіёну. Пад кіраўніцтвам летувіскага адмыслоўца Беньямінаса Зялькявічуса «Балтыка» ўважалася безумоўным фаварытам турніру 2002 году. Зь вялізным адрывам у 31 пункт ад тульскага «Арсэналу», які заняў другі радок, яна фінішавала з 35-цю перамогамі пры трох нічыіх у 38 матчах і з розьніцай праведзеных і прапушчаных мячоў +89. У наступныя сэзоны калінінградцы вылецелі ў трэці дывізіён, але хутка вярнуліся ў другі эшалён. Сэзон 2012—2013 гадоў аказаўся самым пасьпяховым для каманды за апошнія 14 гадоў. Балтыйцы занялі пяты радок, апынуўшыся за крок ад пераходных матчаў за павышэньне. Баяздольны калектыў упершыню з 1999 году ўпершыню за доўгі час прэтэндаваў на выхад у Прэм’ер-лігу. Пасьля, здарыўся скандал, калі 27 чэрвеня 2013 году на сустрэчы з грамадзкасьцю, кажучы аб дасягненьнях адміністрацыі вобласьці ў справе падтрымкі «Балтыкі», губэрнатар Калінінградзкай вобласьці Мікалай Цуканаў заявіў, што каманда магла заняць 2-е ці 3-е месца, але губэрнатар, паводле ягоных словаў, «папрасіў» каманду не займаць такога месца^[5]. Пасьля таго, як многія СМІ перадрукавалі заяву губэрнатара, ён абвінаваціў журналістаў у скажэньні ягоных словаў, але не ўказаў, што менавіта было перакручанае^[6].

Склад

Актуальны на 17 верасьня 2025 году

№ Пазыцыя Імя Год нараджэньня 2 Аб Сяргей Варатынаў 2003 4 Аб Натан Гасама  2001 5 ПА Айман Мурыд  2000 8 ПА Андрэй Мендэль  (капітан) 1995 10 ПА Ільля Пятроў  1995 11 ПА Юры Кавалёў 1993 13 Аб Дыега Люна  2001 14 ПА Стэфан Ковач  1999 15 Нап Тэнтан Еннэ  2000 16 Аб Кевін Андрадэ  1999 17 ПА Уладзіслаў Савусь  2003 19 ПА Сяргей Прахін  2002 22 ПА Мікалай Ціткоў  2000 23 Аб Мінгіян Бявееў  1995

№ Пазыцыя Імя Год нараджэньня 25 Аб Аляксандар Філін  1996 26 ПА Іван Белікаў  2004 40 ПА Дзьмітры Нікіцін 2006 44 Бр Ягор Любакоў 1999 46 Аб Кірыл Абонін 2006 47 ПА Данііл Уткін  (ар. Растоў) 1999 67 Бр Максім Барыско  2000 69 Нап Іраклі Манелаў  2002 73 ПА Максім Пятроў  2001 77 Аб Элдар Чывіч  1996 81 Бр Іван Кукушкін  (ар. Пары) 2002 90 Нап Чынонса Афор  2000 91 Нап Браян Хіль  2001 96 Аб Амір Магамад  1996