Асмаленіцкі сельсавет

Асма́леніцкі сельсавет (афіцыйная назва — Уда́рненскі сельсавет) — адміністрацыйна-тэрытарыяльная адзінка ў складзе Лельчыцкага раёну Гомельскай вобласьці. Адміністрацыйны цэнтар — вёска Асмаленік.

Гісторыя

20 жніўня 1924 году створаны Замоскі сельсавет у складзе Лельчыцкага (з 25 сьнежня 1962 году — Мазырскага^[1], з 6 студзеня 1965 году — Лельчыцкага^[2]) раёну Мазырскай акругі (17 ліпеня 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай (з 8 студзеня 1954 году — Гомельскай) вобласьці^[3].

30 ліпеня 1964 году вёску Асмаленік перайменавалі ва Ўдарную^[4], а 17 сьнежня 2004 году — ва Ўдарнае^[5].

28 красавіка 1988 году Замоскі сельсавет перайменаваны ва Ўдарненскі.